கல்லூரி பயணம்

விறுவிறு என வேகம் வந்த நாட்கள்

ஜிகுஜிகு என மின்னிய ஆடைகள்

லொடலொட என கதைத்த தோழிகள்

கலகல என சிரிப்பில் மூழ்கிய மணிதுளிகள்

வீழ்வீழ் என இட்ட சண்டைகள்

தளதள என சிந்திய கண்ணீர்

பளபள என படம் வரைந்த புத்தகங்கள்

கிறுகிறு என கிறுக்கி தள்ளிய தாள்கள்

துறுதுறு என ஓடிஆடிய மைதானம்

கமகம என நண்பரின் உணவுகள்

வழவழ என கற்பிக்கும் ஆசிரியர்கள்

தடதட என மூடிய கதவுகள்

வெலவெல என பார்க்கும் நிகழ்நிலை வகுப்புகள்

மசமச என சென்ற நேரங்கள்

பொதபொத என குவிந்த செயல்பாடுகள்

மளமள என படித்த பாடங்கள்

பரபர என எழுதிய தேர்வுகள்

படபட என எதிர்ப்பார்த்த தேர்ச்சிகள்

மடமட என கடந்து சென்ற

       என் கல்லூரி பயணங்கள்