Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Mariyam Dhupli

Inspirational Thriller

2.8  

Mariyam Dhupli

Inspirational Thriller

પરત

પરત

2 mins
618


સમાચારપત્રમાં ખોવાયેલી આંખો ઉપર ઉઠી .

બાલ્કની બહારની હરિયાળીમાંથી ઓરડામાં પ્રવેશેલું મોટું વિચિત્ર જીવડું મુંઝવણથી વેગયુક્ત અહીંથી ત્યાં ચારે દિશાઓમાં ઉડી રહ્યું હતું .

આંખોની બન્ને કિકી એ જીવડાંના સંઘર્ષમય હલનચલનનું સૂક્ષ્મ નિરીક્ષણ કરી રહી હતી .

અચાનક એક નવાજ વાતાવરણમાં પ્રવેશવાની દ્રિધા પડકારજનક હતી .

ફરીથી પોતાના પરિચિત વાતાવરણમાં પહોંચવા જીવ લગાવી થઇ રહેલ પ્રયાસો યથાવત હતા .

બહાર નીકળવાનો માર્ગ ગમે તેમ શોધી કાઢવા મરણીયો પ્રયત્ન થઇ રહ્યો હતો .

પરંતુ એ પ્રયત્નો અને પ્રયાસોમાં ડરની આછી રેખા પણ ન હતી .

ઉડવાની ગતિ અનન્ય વિશ્વાસ અને બહાદુરીની છાપ ઉપસાવી રહી હતી .

ચાનો કપ હાથમાં થામી ઓરડામાં પ્રવેશેલી નર્સની નજર અચાનક એ વિચિત્ર જીવડાં ઉપર આવી થંભી.

હાથમાંનો કપ ધ્રુજી ઉઠ્યો .

મોઢામાંથી ભયયુક્ત ચીસ બહાર નીકળી આવી .

"આ જીવડું અંદર કઈ રીતે આવી પહોંચ્યું ?"

સ્વરક્ષણ માટે નજીક ગોઠવેલી ચપ્પલ હાથમાં પહોંચી .

એક છુટ્ટો ઘા થશે અને જીવડું સમાપ્ત .

લક્ષ્ય પૂરું થાય એ પહેલાજ સમાચારપત્ર સંકેલી એણે નર્સના હાથમાંની ચપ્પલ પકડી લીધી .

" એક કાપડનો ટુકડો મળશે ? "

અચંભા ભર્યા વર્તન અને માંગણીથી વિસ્મય પામતી એ નર્સ ચુપચાપ ઓરડાના બહાર તરફથી સાફસફાઈ માટે રાખેલ એક મોટો કાપડનો કટકો ઊંચકી લાવી.

એ વિચિત્ર જીવડાં ઉપર કાપડનો કટકો ધીમેથી લપેટી, એને કોઈ નુકસાન કે હાનિ ન પહોંચે, એ વાતની બારીક તકેદારી જાળવી અત્યંત હળવા હાથ જોડે જીવડાંને ઉઠાવી લઇ એ બાલ્કની ઉપર પહોંચ્યો .

લપેટેલું કાપડ સંભાળીને હડસેલ્યું.

બીજીજ ક્ષણે એ વિચિત્ર જીવડું આંખો સામેના પરિચિત હરિયાળીવાળા પ્રદેશ તરફ સહર્ષ પરત થઇ ગયું .

બાલ્કની ઉપરની મૌન આંખોમાં અનેરો સંતોષ છવાઈ ગયો .

પાછળ ઉભી નર્સ આખું દ્રશ્ય વિસ્મયથી નિહાળી રહી .

પોતાના મનમાં જન્મેલ પ્રશ્નને એણે મનમાંજ રાખવાને પ્રાધાન્ય આપ્યું .

નકામા પ્રશ્નો થકી દર્દીના આરામમાં ખલેલ શા માટે પહોંચાડવી ?

વળી આ દર્દી કોઈ સામાન્ય દર્દી ન હતો .

અન્ય દેશની ભૂમિ ઉપરથી બહાદુરીપૂર્વક પરત થયેલ દેશનો એક જાબાંઝ એરફોર્સ ઓફિસર હતો .


Rate this content
Log in

Similar gujarati story from Inspirational