రాగ తూణీరం

ప౹౹

కోయలొకటి కూసెనూ తీయగా అలా హాయిగా

హొయలొకటి చేసెనూ మనసునే ఓ మాయగా ౹2౹

చ౹౹

పెంచిన స్వరం అంచున చేరేసి ఆశలూ పెంచెనే

మించిన భావం మంచినేపంచి ఎద కదిలించెనే ౹2౹

కొత్తవి రాగాలు కుహుకుహూ అని పరిమళించే

మెత్తని మనసున ఒహో ఒహో యని రవళించే ౹ప౹

చ౹౹

పలికినవన్నీ పల్లవించినే మదిలోనా పరవశాలై 

చిలికిపవన్నీ చిన్మయాలైనే చిత్రంగా ఫలరసాలై ౹2౹

ఏరికోరిన రుచులన్నీ ఎడదలోనే విడిది చేసెను

కోరి చేరిన కొంటె రాగాలు కొత్త సందడై విరిసెను ౹ప౹

చ౹౹

పూలభావం పురివిప్పినే ఆలాపనలతో మురిసి 

కాలమానం కలవరపడినే ఆ కొలతలనే మరచి ౹2౹

మళ్ళీ మళ్ళీ కూయవా మరులతో మురపించ

తుళ్ళి తుళ్ళి పాడవా రాగతూణీరం కురిపించ ౹ప౹