ఏదో వైనం

ప౹౹

ఏదో ఏదో వైనం ఎదనే తడిమి చూసే

అదో అదో మైకం మదినే అదిమి వేసే ౹2౹

చ౹౹

కొత్త అనుభవం మత్తులో ముంచెను 

కొంత తడబాటే మనసులో పెంచెను ౹2౹

ఏమి మాయో ఎరుక తెలియకున్నది

ఏది నిజమో అసలు పోల్ఛలేకున్నది ౹ప౹

చ౹౹

చెలియ చూపూ ఓ చెకుముకి రాయి 

తొలయు ఎద వదలకా పగలు రేయి ౹2౹

వచ్చిపోయే పున్నమే వెన్నెలే పంచినే

అచ్చిరానివేళే నిలిపే ఆవలి అంచునే ౹ప౹

చ౹౹

కోరికేమో కొండలా పెరిగి పెరుగునులే 

ఊరికేమో ఉండకే ఉండి కరుగునులే ౹2౹

ఎంత ప్రేమో అది వరదలై పొంగెనులే

చెంత చేరిన చెరిసగమై పరుగిడేనులే ౹ప౹