ସ୍ଵପ୍ନର ଢେଉ
ସ୍ଵପ୍ନର ଢେଉ
ଡ଼. ବିଚିତ୍ର କୁମାର ବେହୁରା
ତୁମ କଥାରେ ଅନେକ ପ୍ରେରଣା
ସଙ୍ଗୀତରେ ଥିଲା ମୂର୍ଚ୍ଛନା l
ତୁମ ନୃତ୍ୟର ଭଙ୍ଗୀମାରେ
ମାଦକ ଭରା ଉନ୍ମାଦନା l
ତୁମ ଆଙ୍ଗୁଳିରେ ଅଦ୍ଭୁତ ଯାଦୁ,
ଘୁମୁରି ଘୁମୁରି ଚାଲିଯାଉଥିଲେ
ତୁମ ଚାରି ପଟେ ସବୁ l
ଧୀରେ ଧୀରେ ଆସିଥିଲ ତୁମେ
ସପନର ଢେଉ ନେଇ
ହାତର ପରସ ଦେଇ
କୋଲେ ତୁମେ ରଖିଲ ଜାବୁଡ଼ି l
ଆଖି ଖୋଲି ପ୍ରଥମ ଦେଖାରୁ
ବୁଝିଗଲି ତୁମ କଥା ସବୁ l
ଅଜାଣତେ ଦେଉଥିଲ ଦୁଃଖ
ଆଘାତ ହୃଦୟ ତଳୁ
ଢାଳିଥିଲି ମନଭରି ରକ୍ତ l
ଜାଣିଗଲି ମୁଁ ତୁମ ଅଭିମାନୀ ମନ
ଝଡ଼ ଉହାଡ଼ର ସେହି ଶାନ୍ତ ସମୀରଣ l
ଅକୁହା ବେଦନା ତଳେ
ସ୍ନେହର ସୁମନ l
ଭରି ନେଲି ଆଞ୍ଜୁଳାଏ ଲୁହ,
ଢାଳି ଦେଲି ପ୍ରେମ ସ୍ରୋତ
ଚିରି ମୋର ଦେହ l