ଶ୍ରୀ ପଦ୍ମେ ନିବେଦନ

🙌🌿🌼📖🌼🌿🙏

(@ଜ୍ୟୋତ୍ସ୍ନା ପୃଷ୍ଟି ,ଭୁବନେଶ୍ବର)

**(1322)**

ଆହେ ବନମାଳୀ ନୟନ ସଙ୍ଖାଳି ,

ଗିରି ଗୋବର୍ଦ୍ଧନ ଧାରୀ ,

ଜନ୍ମ ଜନ୍ମ ତୁମ ଅପେକ୍ଷା ପ୍ରଣାଳୀ ,

ଦେଇଅଛି ଦ୍ଵନ୍ଦ ଭାରି ।।(୧)

🙌🌿🌼🌿🙌

ମାୟାଧର ବୋଲି ମାୟା କରିଅଛ ,

ଭଣ୍ଡାଇଲ ଯୁଗେଯୁଗେ ।

ଆତ୍ମାର ଅନ୍ତର ଜାଳି ଦେଇଅଛ ,

ଜୀଵଆତ୍ମ ମୋକ୍ଷ ମାଗେ ।।(୨)

🌹🌾🌹🌾🌹

ଆହେ ଦୀନନାଥ ପରମ ଈଶ୍ଵର ,

କିମ୍ପାଇଁ ହେଲ ନିଷ୍ଠୁର ।

ଭକତ ବିଶ୍ଵାସ ହୃଦେ କରି ଘର ,

ବିଶ୍ଵ ଅବତାର ଧର ।।(୩)

🌲💦🌲💦🌲💦

ଜୀବନ ପତରେ ଢଳଢଳ ପ୍ରାଣ ,

ମୋହ ବିନା ଲୋଟୁଅଛି ।

କପୁର ଚନ୍ଦନ ସୁଗନ୍ଧା ପ୍ରାଙ୍ଗଣ ,

ମହକ କୁ ଝୁରିଅଛି ।।(୪)

🌱🌸🌱🌸🌱

ନିରୀମାଖି ଜନ ନିବେଦନ ଶୁଣ ,

କିମ୍ବଦନ୍ତୀ ପୃଷ୍ଠା କୁହେ ।

ମାଗୁଣୀ ରେ କିଛି ମାଗିନାହିଁ ଜାଣ ,

ଅଶ୍ରୁ ଧାରା ଭବୁ ସହେ ।।(୫)

🔅🌳🌼🌳🔅

କାଳୀୟ ଦଳିଲ ଦଇତ ନାଶିଲ ,

ଗଜ ଉଦ୍ଧାରିଛ ଯେବେ ।

କୃପାସିନ୍ଧୁ ଆହେ କରୁଣେ ବାଛିଲ ,

ବିଚାରିବ ନିଶ୍ଚେ ଭାବେ ।।(୬)

💫📖💫📖💫

ଆହେ ଗିରିଧାରୀ ଭୁବନମୋହନ ,

ଏ ଛାରକୁ ଭୁଲ କାହିଁ ?

କଳ୍ପଚକ୍ଷୁ ରଶ୍ମି ନୋହୁଁ ଆନମନ ,

ତୁମ୍ଭ ବିନୁ ଗତି ନାହିଁ ।।(୭)