ମଧୁଝରା

ନବୀନ ଯୁବତୀ ହୋଇଥିବ

ଜହ୍ନ ଫିକା ଫିକା ଉଇଁଥିବ

ବେଳାଭୂମି ପରେ ଝାଉଁ ବିଥିକାରେ

ଝୁମି ଝୁମି ନିଶା ଘାରିଥିବ

ସମୟର ଚକ ଥିର ହୋଇ

ପ୍ରେମ ଅଂଜଳିରେ ଯିବ ଲିୁଚି

ତାରାଫୁଲ ସବୁ ଆକାଶରୁ ଝଡି

କେଳି କୁଞ୍ଜରେ ପଡିବ ବିଞ୍ଚି

ଜହ୍ନ ଲାଜେ ଲାଜେ ମରିଯିବ

ବଉଦର କୋଳେ ଲୁଚିଯିବ

ବେଳାଭୂମି ପରେ ଧୀର ସମୀରରେ

ଚିର ପ୍ରୀତି ମଧୁ ଝରୁଥିବ

ସିନ୍ଧୁ ଲହରୀ ଥିର ହୋଇ

ଦେହ କାନନେ ଯିବକି ଖେଳି

ଜୁଆର ଉଠିବ ମନ ଯମୁନାରେ

ଚେତନା ଖେଳିବ ପ୍ରେମ ଦୋଳି

ଜହ୍ନ ଛପି ଛପି ଚାହୁଁଥିବ

ଲାଜେ ଲାଜେ ପୁଣି ହସୁଥିବ

ବେଳାଭୂମି ପରେ ଧୀର ସମୀରରେ

ଚିର ପ୍ରୀତି ମଧୁ ଝରୁଥିବ l