ଓଡିଆର ଖରାଦିନ
ଓଡିଆର ଖରାଦିନ
ମକର କ୍ରାନ୍ତିରେ ଅଛି ଭାରତଟି ଜାଣ
ବଂଗୋପ ସାଗର କୁଳେ ଓଡିଶା ପ୍ରମାଣ ।
ପୂରୁବ ରାଇଜ ଗୁଳୁଗୁଳି ଖରା ଟାଣ
ପୂରୁବ ପୁରୁଷ ଆମ କରିଲେ ବିଧାନ ।
ଶ୍ୱେତ ବସ୍ତ୍ର ପରିଧାନ ମଥାରେ କପଡା
ହାଲୁକା ପତଳା ବସ୍ତ୍ର ତନୁ ରଖେ ଥଣ୍ଡା ।
ସକାଳୁ ପଖାଳ ଖିଆ ସାଥେ ଥିବ ଦହି
ବେଲପଣା ତରଭୁଜ କାକୁଡିଟି ଖାଇ ।
ମାଟି ମାଠିଆରୁ କାଢି ପିଅ ଥଣ୍ଡା ପାଣି
ବାଟରେ ପିଇବ ପୁଣି ପଇଡର ପାଣି ।
ଆମ ଘରେ ଅଛି ଯଦି ଏତେକ ସାଧନ
ବିଦେଶୀ ଥଣ୍ଡା ପାନୀୟ କିବା ପ୍ରୟୋଜନ ।
ବିଦେଶୀ ସାହେବ ପରି ଟାଇ କୋଟ୍ ପିନ୍ଧି
କିବା ପ୍ରୟୋଜନ ଆପେ ଆପଣାକୁ ଛନ୍ଦି ।
ଜଗନ୍ନାଥ ଦେଶ ଆମ ସବୁଠୁ ଆଗୁଆ
ଦେଖାଶିଖା ପଣେ କାହିଁ ହୋଇବା ପଛୁଆ ।