સળગતા બેબુઝ ઉખાણાં
સળગતા બેબુઝ ઉખાણાં
પીગળતાં સૂરજમાં પડછાયાં,
ઓગળીને આથમી ગયાં,
મારી એકલતાને અંતરનાં અઘોર
અંધારાં ગળી ગયાં,
એક જવાબની શોધમાં ખુદ ભટકું,
સવાલ બની જન્મોથી,
જવાબ મળ્યા તો એ સળગતાં,
બેબુઝ ઉખાણાં બની ગયાં,
ને આ આખી જિંદગી તારાં વગર,
એક રેતીનું અફાટ રણ,
તરસની તૃપ્તિની તલાશમાં,
મૃગજળ પણ ઓસરી ગયાં,
બીજ મહોબ્બતનાં દિલની ધરા,
ઉપર નજર વાવી ગઈ,
આ વર્ષામાં એનાં વગર જખ્મો,
બની એ સઘળા ફણગી ગયા,
એક "પરમ" તહેવાર હોય છે,
વહેવાર પ્રણયનો કાયમ,
તમારાં આ વચનો જ અમોને કેવાં,
પ્રેમી "પાગલ" કરી ગયા.