કારણકે હું મા છું

કલબલતી સવારે,

બળબળતી બપોરે કે

ઠીઠૂરાતી રાતે,

તું મને બોલાવજે,

કારણકે હું મા છુ.

ઝરમર વરસાદમાં,

કે કાળા ધોમ તડકામાં,

કે કડકડતી ઠંડીમાં,

તું મને બોલાવજે,

કારણકે હું મા છું.

સુખનાં સોનેરી સપનાંમાં,

કે દુઃખનાં ઘેરા વાદળોમાં,

કે કોઈ પણ સંકટ ગહેરામાં,

તું મને બોલાવજે,

કારણકે હું મા છું.

કલેજાનાં ટૂકડા,

યાદ રાખજે

હું હમેશા અહીં જ છું,

હું અહીં જ છું,

હું અહીં જ છું.

કારણકે હું મા છું મા.