આત્મબોધ

બીજાના અવગુણોને નફરત કરે છે તું !

તો પછી તારામાં શાથી શરત કરે છે તું ?

દુર્ગુણો તો આંબા-આંમલી દેખાડનારા,

અગોચર મને શાથી વસાહત કરે છે તું ?

એ આપશે એથી વધુ હરનારા શૈતાન,

એને ઢાંકવાની શાથી કરામત કરે છે તું ?

બનાવ જીવન આરપાર દર્પણ સમું તું,

ક્યારેય તારા મનની મરામત કરે છે તું ?

ટેવ પહેલાં તું પાડેને પછી એ તને પાડે,

કોઈ સજ્જનોની મુલાકાત કરે છે તું ?

સ્વીકારી પાળીને પોષનારો આખરે તું,

એવા અવગુણોને કુઠારઘાત કરે છે તું ?