સૈનિકનુંં જીવન

તમારે વ્રત આવે જાગરણ તો જ હોય છે,

અમારે અહિંયા જાગરણ રોજ હોય છે,

દૂર દૂર સુધી રણ છે, વરસાદનો પત્તો નથી,

તોય કાળઝાળ ગરમીમાં મોજ હોય છે,

ક્યાં કોઈ અમને મળવાં આવે છે અહીં,

અમારે તો રોજ, દુશ્મનની ખોજ હોય છે,

કોણ જાણે? ક્યારે ગોળી દીલ પાર થાય,

સહારે બસ અમારી ફોજ હોય છે,

ભલા કેમ અમને નિંદર આવે અહીં?

અમારે શિર આખાંયે દેશનો બોજ હોય છે,

રક્ષા અમારી હંમેશા થાય છે, કારણ

સાથ મા-બાપના આશિષનું ઓજ હોય છે.