🌻ଉଗାଦିର ପଚଡୀ🌻

ଭାରତ ବର୍ଷରେ ଆଉ ଏକ ନୂଆ ବର୍ଷ ଉଗାଦି । ଦକ୍ଷିଣ ଭାରତ ଓ ଦକ୍ଷିଣ-ପଶ୍ଚିମ ଭାରତର କିଛି ରାଜ୍ୟରେ ଏହା ଏକ ପ୍ରଧାନ ପର୍ବ। ବହୁତ ଉତ୍ସାହ ଓ ଉଦ୍ଧିପନ୍ନା ସହିତ ଘରେ ଘରେ ଏହା ପାଳନ କରାଯାଏ । ବସନ୍ତର ଆଗମନ ସମୟରେ ନୂତନ ବର୍ଷ ପାଳନ ଅନେକ ରୋମାଞ୍ଚକର ହୋଇଥାଏ । ଉଗାଦିର ଅନ୍ୟନାମ ଯୁଗାଦି ଅର୍ଥାତ୍ ଅନ୍ୟ ଏକ ନୂତନ ଯୁଗର ଆରମ୍ଭ । ଯାହାକୁ ହିନ୍ଦୁମାନଙ୍କ ପରମ୍ପରା ପାଇଁ ଏକ ନୂତନ ବର୍ଷର ଆରମ୍ଭ ।

    ହିନ୍ଦୁ ପୌରାଣିକ ମତ ଅନୁଯାୟୀ ଭଗବାନ ବ୍ରହ୍ମା ଆଜିର ଦିନରେ ଏହି ବ୍ରହ୍ମାଣ୍ଡକୁ ନିର୍ମାଣ କରିଥିଲେ । ତେଣୁ ହିନ୍ଦୁ କ୍ୟାଲେଣ୍ଡରରେ ଏହା ବର୍ଷର ପ୍ରଥମ ଦିନ ଅର୍ଥାତ୍ ଆମ ପାଇଁ ବର୍ଷର ପ୍ରଥମ ଦିନ । ଆମ ଭାରତ ବର୍ଷର ଗଣିତଜ୍ଞ ଭାସ୍କରଚାର୍ଯ୍ୟ ଦ୍ୱାଦଶୀ ଶତାବ୍ଦୀରେ ଆଜିର ଏ ଦିନକୁ ନୂତନ ବର୍ଷର ଆଖ୍ୟା ଦେଇଥିଲେ। ସେହି ଦିନ ଠାରୁ ଆଜିର ଏ ଦିବସକୁ ନୂତନ ବର୍ଷର ପ୍ରାରମ୍ଭ ରୂପେ ପାଳିତ ହୋଇ ଆସୁଅଛି । ସାଧାରଣତଃ ଏହା ଚୈତ୍ର ମାସ ଶୁକ୍ଳପକ୍ଷ ପହିଲା ଦିନରେ ପାଳିତ ହୋଇଥାଏ ।

     ଏହି ପର୍ବ ଭଗବାନ ବ୍ରହ୍ମାଙ୍କୁ ସମର୍ପିତ କରିବା ସହିତ ଭଗବାନ ଶ୍ରୀଗଣେଶ, ମାତା ପାର୍ବତୀ, ଭଗବାନ ବିଷ୍ଣୁ, ଶ୍ରୀରାମ ଓ ଦେବୀ ମହାଲକ୍ଷ୍ମୀଙ୍କ ଆଶୀର୍ବାଦ ଭିକ୍ଷା କରି ନୂତନ ବର୍ଷକୁ ସ୍ୱାଗତ କରିଥାନ୍ତି । ଆଜିର ଏହି ଦିନରେ ଲୋକମାନେ କଞ୍ଚା ଆମ୍ବ, ଇମଲି, ଗୁଡ଼, ଲୁଣ, କଞ୍ଚାଲଙ୍କା,, ନିମ୍ବପତ୍ର ପାଣିରେ ମିଶାଇ ଏକ ସ୍ୱାଦିଷ୍ଟ ପାନୀୟ ପଚଡୀ ବନାଇ ଏହାର ମଜା ନେଇଥାନ୍ତି । ନୂତନ ବସ୍ତ୍ର ପରିଧାନ ସହିତ ଚଟଣାରେ ରଙ୍ଗୋଲି, ଘର ଦୁଆର ବନ୍ଧକୁ ଆମ୍ବ ପତ୍ର ଓ ଫୁଲରେ ସାଜସଜ୍ଜାର ଆକର୍ଷଣ ଅନେକ ମନମୁଗ୍ଧକର ହୋଇଥାଏ ।

       ଉଗାଦି ପର୍ବ ହିନ୍ଦୁମାନଙ୍କର ଏକ ସାର୍ବଭୌମିକ ନବବର୍ଷ ନ ହେଲେ ମଧ୍ୟ ଭାରତର ସବୁ ରାଜ୍ୟରେ ଉତ୍ସବ ମୁଖରିତ ହୋଇଥାଏ । କାରଣ କର୍ଣ୍ଣାଟକ, ଆନ୍ଧ୍ରପ୍ରଦେଶ, ତେଲେଙ୍ଗାନା, ମହାରାଷ୍ଟ୍ରର ଅନେକ ଅଧିବାସୀ ପ୍ରାୟ ବିଭିନ୍ନ ରାଜ୍ୟରେ ବସବାସ କରି ଦେଶରେ ଏକ ଭାଇଚାରା ଭାବ ସୃଷ୍ଟି କରି ପାରିଛନ୍ତି । ଏହି ପର୍ବ କର୍ଣ୍ଣାଟକ, ଆନ୍ଧ୍ରପ୍ରଦେଶ, ତେଲେଙ୍ଗାନା ରାଜ୍ୟରେ " ଉଗାଦି" ଏବଂ ମହାରାଷ୍ଟ୍ର ଓ ଗୋଆ ରାଜ୍ୟରେ ଗୁଡ଼ି ଧ୍ବଜାର ପ୍ରତୀକ । ଛଅ ସ୍ୱାଦର ମିଶ୍ରଣର ପଚଡୀ ମାନବ ଜୀବନରେ ସବୁ ଗୁଣକୁ ଭରିଦେଇ ଉପହାରର ଆଦାନ ପ୍ରଦାନ ସମସ୍ତଙ୍କ ମନରେ ଏକ ଭାଇଚାରା ସୃଷ୍ଟି କରି ନୂତନ ବର୍ଷକୁ ସାଫଲ୍ୟ ମଣ୍ଡିତ କରିଥାଏ।