ସେ ଜଣେ ନାରୀ

ସେ ଜଣେ ନାରୀ

ସେ ନିରୀହା ବି , ନିଷ୍ପାପ ବି 

ଅବଳା ବି ଦୁର୍ବଳା ବି

ହେଲେ, ସେ ବି ସାଜିପାରେ

ପାପର ବିନାଶ ପାଇଁ 

ଦୁର୍ଗତିନାଶିନୀ ଦୁର୍ଗା ।

ସେ ବି ଝଡିଯାଏ

ଗଙ୍ଗଶିଉଳି ଟିଏ ପରି 

ନିଜ ବାସ ଚହଟାଇ

ହେଲେ, ସେ ବି ଶୋଭା ପାଏ

ଦେବତା ମଥାରେ ଓ ସମାଜ ଗହଣରେ 

ସେ ନୁହଁ କଣ୍ଢେଇ ପରି

କିଛି ବ୍ୟବହୃତ ବସ୍ତୁ

ସେ ଅଟେ ତୁମ ପ୍ରିୟ

ମାଆ, ଭଉଣୀ, ବୋହୂ, ପତ୍ନୀ

ହେଲେ, ସେ ପାଇଥାଏ ହତାଦର 

କିନ୍ତୁ, ସବୁ ସହି ସେ ହସିପାରେ

ପ୍ରତିଟି ହସଦୁଃଖର ମୁହୂର୍ତ୍ତ କୁ

ସାହସର ସହ ସେ ଜିଇଁ ପାରେ

କାରଣ, ସେ ଜଣେ ନାରୀ ।