Sāi Durgāprasād

Romance Tragedy

4.5  

Sāi Durgāprasād

Romance Tragedy

ପ୍ରୋମିଜ୍

ପ୍ରୋମିଜ୍

3 mins
397



-ଏକ-

ରୀମା : ଏଇଥର ମୋ ଜନ୍ମଦିନରେ ମୋତେ କଣ ଗିଫ୍ଟ କରିବ ?

ରୋହିତ : କଣ ଦରକାର କହୁନ?

ରୀମା : ମୁଁ ଅନଲାଇନରେ ମୋ ପାଇଁ ଗୋଟିଏ ସୁନ୍ଦର ଡ୍ରେସଟେ ଦେଖିଛି, ସ୍କ୍ରୀନସର୍ଟ ଦେବି, ଅର୍ଡର କରିଦେବ?

ରୋହିତ : ଏଇ ଗୋଟେ କଥା, ନିଶ୍ଚିତ।

ରୀମା : ପ୍ରୋମିଜ୍!!

ରୋହିତ : ପ୍ରୋମିଜ ବେବି।


-ଦୁଇ-

ରୀମା : କାଲି ଡିପାର୍ଟମେଣ୍ଟ ପିକନିକ ରେ ମୁଁ ବ୍ଲାକ କଲର ଟପ ଆଉ ଡେନିମ ଜିନ୍ସ ପିନ୍ଧିବି । ତୁମେ ବି ବ୍ଲାକ ସାର୍ଟ ଆଉ ଡେନିମ ଜିନ୍ସ ପିନ୍ଧିବ।

ରୋହିତ : ଜିନ୍ସ ତ ହେଇଯିବ, ହେଲେ କଳା ରଙ୍ଗର ସାର୍ଟ ମୋ ପାଖରେ ନାହିଁ। ଯୋଉଟା ଅଛି ସେଇଟା ଏବେ ବହୁତ ଟାଇଟ ହେଉଛି।

ରୀମା : ମୋ ସହ ମ୍ୟାଚ କରିବନି ତ?

ରୋହିତ : ଆରେ ରାଗନି ବାବା। ଯାଉଛି ନୂଆଟେ ନେଇ ଆସୁଛି।

ରୀମା : ପ୍ରୋମିଜ!!

ରୋହିତ : ହଁ ବାବା ପ୍ରୋମିଜ।


-ତିନି-


ରୀମା : ମୁଁ ଦେଖୁଛି ଆଜି କାଲି ତୁମେ ଅନ୍ୟ ଝିଅଙ୍କୁ ବହୁତ ଲାଇନ ଦେଉଛ।

ରୋହିତ : ମାନେ?? କଣ କହୁଛ?

ଝିଅ : ତୁମେ କାଲି କଲେଜ ଗେଟ ପାଖରେ ଦୀପା ଆଉ ଲିଜା ସହ କଥା ହେଉଥିଲ କାହିଁକି?

ରୋହିତ : ଆରେ ସେ କିଛି ନାହିଁ। ଏମିତି ବାସ ପଢା ପରେ, କିଏ ଆଗକୁ ସବୁ କଣ କରିବୁ, ସେ ସବୁ ପ୍ଲାନ କରୁଥିଲୁ।

ରୀମା : ପ୍ରୋମିଜ୍ କର ତୁମେ ଆଉ କୋଉ ଝିଅ ସହ କେବେ ଗପିବ ନାହିଁ। ମୋତେ ଏସବୁ ଭଲ ଲାଗେନି।

ରୋହିତ : ଠିକ ଅଛି ଆଉ କୋଉ ଝିଅ ସହ କଥା ହେବି ନାହିଁ। ପ୍ରୋମିଜ ....


-ଚାରି-


ରୀମା : ଗୋଟିଏ କଥା କହିବି!! ହେଲେ ପ୍ରୋମିଜ କର ଯେ ମନ ଦୁଖ କରିବନି।

ରୋହିତ : ଆରେ ବାବା କୁହତ ଆଗ!

ରୀମା : ନା.. ନା ମୁଁ କିଛି ଜାଣେନି, ଆଗ ପ୍ରୋମିଜ କର।

ରୋହିତ : ହୋଉ ହେଲା, ପ୍ରୋମିଜ କରୁଛି ଯେ ମନ ଦୁଖ କରିବିନି।

ରୀମା : ମୁଁ ଭୁବନେଶ୍ୱରକୁ ମେଡିକାଲ କୋଚିଂ ପାଇଁ ଆସନ୍ତା ସପ୍ତାହ ଯାଉଛି। 

ରୋହିତ : ଆରେ ଏ ତ' ବହୁତ ଭଲ କଥା। ତୁମେ ଡାକ୍ତରଣୀ ହେଲେ ଆମ ଟଙ୍କା ଗୁଡା ଆଉ କୋଉ ଡାକ୍ତର ପାଖକୁ ଯିବନାହିଁ।

ରୀମା : ଦେଖ ତୁମେ ପ୍ରୋମିଜ କରିଛ ଯେ ମନ ଦୁଃଖ କରିବ ନାହିଁ।

ରୋହିତ : ହଁ ହେଲା। ପ୍ରୋମିଜ

-ପାଞ୍ଚ-

ରୀମା : କୋଉଠି ଅଛ କି... ଗାଡି ସାଉଣ୍ଡ ହେଉଛି।

ରୋହିତ : ହଁ! କେନ୍ଦୁଝର-ଭୁବନେଶ୍ୱର ବସରେ ଯାଉଛି ତ!

ରୀମା : ଆରେ କୁଆଡେ?

ରୋହିତ : ଭୁବନେଶ୍ୱରରେ ତୁମ ଛଡ଼ା ମୋର କିଏ ଅଛି କି....

ରୀମା : ନ' ଜଣେଇକି କେମିତି ଏମିତି ବାହାରି ପଡିଲ। ମୁଁ ଦେଖା କରିପାରିବିନି। 

ରୋହିତ : ଆରେ ମୁଁ ଘଟଗାଁ ପାଖାପାଖି ହେଲିଣି।

ରୀମା : ଫେରିଯାଅ। ବସ ମିଳିଯିବ। ଏଠି ହଷ୍ଟେଲରେ ବହୁତ ଷ୍ଟ୍ରିକ୍ଟ। 

ରୋହିତ : କଣ ଟିକେ ହେଲେ ବି ଦେଖା କରି ହେବନି?

ରୀମା : ନା... ନା..

ରୋହିତ : ସତ କହୁଛ...?

ରୀମା : ହଁ....

ରୋହିତ : ପ୍ରୋମିଜ

ରୀମା : ହଁ ପ୍ରୋମିଜ।


-ଛଅ-

ରୋହିତ : କଣ ମ! ଏତେ ବ୍ୟସ୍ତ ହେଇ ଯାଉଛ ଯେ ଫୋନ ଟିକେ କରୁନ କି ଉଠାଉନ!

ରୀମା : ବହୁତ କାମ ରହୁଛି। ନିଶ୍ୱାସ ଟିକିଏ ନେବା ପାଇଁ ବି ଫୁରସତ ନାହିଁ।

ରୋହିତ : ମେଡିକାଲ ପାଠଟା ହିଁ ସେମିତି। ହେଲେ ନିଜର ଯତ୍ନ ନେଉଥିବ, ଠିକ ସେ ଖିଆ ପିଆ କରୁଥିବ।

ରୀମା : ଓକେ...ଓକେ। ମୁଁ ରଖୁଛି ଏବେ, ବହୁତ କାମ ବାକି ଅଛି।

ରୋହିତ : ପ୍ରୋମିଜ ତ' କର !

ରୀମା : କୋଉଥିପାଇଁ....?

ରୋହିତ : ନିଜର କେୟାର ନେବା ପାଇଁ।

ରୀମା : ଓକେ......... ପ୍ରୋମିଜ


-ସାତ-


ରୋହିତ : ଘଣ୍ଟାଟାଏ ହେଲାଣି ୱେଟିଂ ରେ ରଖିଥିଲ। କାହା ସହ ଏତେ ରାତିରେ କଥା ହେଉଥିଲ?

ରୀମା : ମମି ଫୋନ କରିଥିଲା ତ! କଥା ହେଉଥିଲି ଆଉ...

ରୋହିତ : ତୁମେ ଗଲା ପରେ ମୋ ଭଳି ଆଣ୍ଟିଙ୍କୁ ବି ନିଦ ହେଉନି ବୋଧେ। ଆଣ୍ଟି କଣ କହୁଥିଲେ??

ରୀମା : ଛାଡ଼ ସେ କଥା, ଶୁଣ ତୁମେ ଆଉ ଫୋନ କରିବନି। ଜାଣିଛ ବିପ ସାଉଣ୍ଡ ରୁ ମମି ସନ୍ଦେହ କରୁଛି। ଏଥର ମୁଁ ଫ୍ରି ହେଲେ ଫୋନ କରିବି।

ରୋହିତ : ସରି ସରି... ଆଉ କରିବିନି। ପ୍ରୋମିଜ।


-ଆଠ-

ରୋହିତ : ରୀମା ମୁଁ କିଛି ଭୁଲ କରିଛି କି?

ରୀମା : କାଇଁ, କଣ ହେଲା କି?

ରୋହିତ : ମୋତେ ଲାଗୁଚି ତୁମେ ମୋତେ ଏଥର ଆଭୋଏଡ଼ କରୁଛ।

ରୀମା : ସେମିତି କିଛି ନାହିଁ ମ। ସବୁ ପାଠର ଷ୍ଟ୍ରେସ।

ରୋହିତ : ସତ କହୁଚ ତ!

ରୀମା : ଆରେ ହଁ।

ରୋହିତ : ପ୍ରୋମିଜ

ରୀମା : ହଁ ମ!! ପ୍ରୋମିଜ।


-ନଅ-

ରୀମା : ମୋତେ ଭୁଲି ଯାଅ।

ରୋହିତ : କଣ ହାର୍ଟ ଆର୍ଟକ କରେଇବ ନା କଣ?

ରୀମା : ମୁଁ ଜୋକ ମାରୁନି। ମୋତେ ଲାଗୁନି ଯେ ତୁମେ ମୋ ସୋଲମେଟ ବୋଲି।

ରୋହିତ : କଣ ହେଇଛି? ଏମିତି କଣ କହୁଛ...?

ରୀମା : ଦେଖ ମୁଁ ବ୍ରେକଅଫ ଚାହେଁ। ମୁଁ ଆଉ ଜଣଙ୍କୁ ଭଲ ପାଏ।

ତୁମକୁ ଗଡ଼ ପ୍ରୋମିଜ ମୋତେ ଆଉ ଫୋନ କରିବନି। ଭୁଲି ଯାଅ ମୋତେ। ମୋ ନମ୍ବର ଡିଲିଟ କର।


-ଦଶ-


ରୀମା : ଆଇ ଆମ ସରି ରୋହିତ। ମୁଁ ଅଙ୍କିତ କୁ ତୁମଠୁ ବେଟର ଭାବିକି ତୁମକୁ ଛାଡି ତାକୁ ଭଲ ପାଇଥିଲି। ହେଲେ ସେ ବହୁତ ବଡ଼ ଚିଟର। ତା'ର ବହୁତ ଝିଅଙ୍କ ସହ ପ୍ରେମ ସମ୍ପର୍କ ଅଛି।

ରୋହିତ : ହେଲୋ!! ଆପଣ କିଏ? ଅଙ୍କିତ କିଏ? ସରି ଭୁଲରେ ବୋଧେ ମୋତେ ଫୋନ କରି ଦେଇଛନ୍ତି।

ରୀମା : ଆରେ ମୁଁ ରୀମା। କଣ ଗୋଟେ ବର୍ଷ କଥା ହେଲିନି ବୋଲି ଭୁଲିଗଲ କି...?

ରୋହିତ : ସରି ମ୍ୟାମ। ମୁଁ ଜାଣିପାରୁନି।

ରୀମା : ପ୍ରୋମିଜ କର ଯେ ମୋତେ ଜାଣି ପାରୁନ।

ରୋହିତ : ପ୍ରୋମିଜ!! ସେଇଟା ପୁଣି କଣ...... ସରି ରଂଗ ନମ୍ବର।।


Rate this content
Log in

Similar oriya story from Romance