Soumya Shubhadarshinee

Inspirational

3  

Soumya Shubhadarshinee

Inspirational

ଆଜିର ରେବୀ

ଆଜିର ରେବୀ

2 mins
7.3K


- ଜେଜି ମା’ ତୁମେ ଯଦି ଥାନ୍ତ ସତ କହୁଛି ରେବତୀ ମାନେ ସୁରକ୍ଷାରେ ଥାନ୍ତେ।

.....

- କି ମୁଁ କଣ ଜଗିଥାନ୍ତି ?

......

- ନା' ତୁମେ ଯିବାକୁ ଦେଇ ନଥାନ୍ତ ମୋତେ ବାହାରକୁ।

କରିବାକୁ ଦେଇନଥାନ୍ତ କିଛି ମନ ଇଚ୍ଛା । ମୋର ସ୍ଵାଧିନତାକୁ ରୁଦ୍ଧ କରିଥାନ୍ତ । ମୋତେ ଦେଇନଥାନ୍ତ ପିନ୍ଧିବାକୁ ପୋଷାକ ଯାହା ପାଶ୍ଚାତ୍ୟ।

- ଆଉ ଜାଣ ସବୁଠୁ ବଡ଼ କଥା ତୁମେ ଶିଖେଇଥାନ୍ତ ସଂଭ୍ରମତା ଓ କରିଥାନ୍ତ ମୋତେ ଝିଅଟିଏ। ତୁମ ଆକଟରେ ମୁଁ କେବେ ପାଶବିକତାର ଯୁପକାଠରେ ବଳୀ ପଡୁନଥାନ୍ତି ।

......

--କି ଲୋ ଆଜି କଣ ଏମିତି ହେଇଗଲାଣି ବା ???

- ହଁ ଜେଜି ମୁଁ ଅଲାଜୁକ ଝିଅ ହେଇଛି ଆଜି କାରଣ ତୁମେ ନାହଁ ମୋତେ ତାଗିଦ କରିବାକୁ। ଆଜି ମୁଁ ନିଜକୁ ବାଡ଼ି ବୁଢୀ ଠୁ ତ ବଞ୍ଚେଇ ଦେଇଛି କିନ୍ତୁ ସମାଜର କଦର୍ଯ୍ୟ ଚକ୍ଷୁ ଠୁ ବଞ୍ଚେଇ ପାରୁନି । ପ୍ରତି ମୁହୂର୍ତ୍ତରେ ମୁଁ ନିଜକୁ ଅସୁରକ୍ଷିତ ମନେ କରୁଛି । ଆଜି ମୁଁ ନିଆଁ ଚୁଲୀ ନୁହେଁ ଜଳନ୍ତା ନିଆଁ ଖଣ୍ଡେ ହେଇଛି ଯିଏ ଜାଳୁଛି ନିଜକୁ , ପୁରୁଷର ଲୋଲୁପ ଦୃଷ୍ଟିର ନିଆଁରେ। ଆଜି ମୁଁ ଖୋଜୁଛି ତୁମ ଆକଟ ଜେଜୀ , ତୁମ ସେ ଜଗିଲା ଆଖି ଯିଏ ମୋ ଲାଗି ସୁଦୃଢ ପ୍ରାଚୀର ପରି ଦେଉଥିଲା ସୁରକ୍ଷା।

.......

- କି ଲୋ ତୁ ପା' ପାଠ ପଢି ହାକିମ ହେଲୁ ପୁଣି କାହାକୁ ଡର କିଲୋ???

......

- ନା ଜେଜୀ ମୁଁ ପାଠ ସିନା ପଢ଼ିଲି କିନ୍ତୁ ସଣ୍ଠଣା ଶିଖିଲିନି , କେହି ଶିଖଉ ନାହାନ୍ତି ଆଉ । ତେଣୁ ସବୁଠି ମୋର ସ୍ୱରୂପ କଳୁଷିତ ହେଉଛି ଆଜି। ମୁଁ ନିଜକୁ ନା ଘରେ ସହଜ ପାଉଛି ନା କର୍ମ କ୍ଷେତ୍ରରେ।

- ମୁଁ ଦୁନିଆ ଲାଗି ସିନା ଉନ୍ନତି କରୁଛି କିନ୍ତୁ ଆଜି ମୋର ସ୍ଥିତି ବଡ଼ ଦୟନୀୟ। ବିଶ୍ୱାସ କର ଜେଜୀ।

.....

- ହୁଁ ମୁଁ ତ ବଞ୍ଚିଥିଲା ଯାଏଁ ତୋର ସାତ ଶତ୍ରୁ ଥିଲି । ଗାଳିମନ୍ଦ କରୁଥିଲି, ତୋତେ ଖାଲି ଖୁଣ୍ଟା ଦେଉଥିଲି । ମୋତେ ପୁଣି ତୁ ଖୋଜୁଛୁ କିଆଁ??

.....

- ଜେଜୀ ତୁମ ସେଇ ଗାଳିମନ୍ଦ ଭିତରେ ଯେଉଁ ଶ୍ରଦ୍ଧା ସେତକ ଖୋଜୁଛି । ସେଇ ଟିକକ ମୋର ସୁରକ୍ଷା କବଚ ସତ ।

.......

- ସତ କିଲୋ ମୋ ରେବୀ , ମୋ ନିଆଁ , ମୋ ଚୁଲୀ......

ସୌମ୍ୟା


Rate this content
Log in

Similar oriya story from Inspirational