ଯୁଦ୍ଧ ନୀତି
ଯୁଦ୍ଧ ନୀତି
ପୂରୁବ ଗୌରବ ପୂରୁବ ମହିମା
ରାଜ ରାଜୁଡ଼ା ଶାସନ
ଅଦୃଶ୍ୟ ହୋଇଲା ଦୃଶ୍ୟ ହେଲା ଆଜି
ଗଣତନ୍ତ୍ରର ଆସନ।
ଅଶ୍ୱାରୋହୀ ଗଜାରୋହୀ ପଦାତିକ
ସେନା ସହ ସେନାପତି
ଦିଶୁ ନାହାନ୍ତି ତ ଆଜିର ସମରେ
ବଦଳିଛି ଯୁଦ୍ଧ ନୀତି।
ଲୋଡ଼ା ନାହିଁ ଧନୁ,ତୀର,ତେଣ୍ଟା,ବର୍ଚ୍ଛା
ଶୁଭୁ ନାହିଁ ଶଙ୍ଖ ଧ୍ଵନୀ
ଚାରିଆଡେ ଶୁଭେ ଖାଲି ଗୁଳିଗୋଳା
ବାରୁଦର ଧ୍ଵଂସ ବାଣୀ।
ଲାଗୁଅଛି ସତେ ନିର୍ଲିପ୍ତ ହୋଇବ
ସସାଗରା ଧରା ଧାମ
ଶତ୍ରୁତା ବଢିବ ହିଂସାର ସାଗରେ
ବୁଦ୍ଧି ହୋଇବଟି ବାମ।
ଏପରି ସମୟେ ନୀରବ ନରହି
ଆସ ଆସ ଭାଇମାନେ
ସଜାଗ ହୋଇବା ଶତ୍ରୁକୁ ଦମନ
କରିବାକୁ ଚିନ୍ତି ମନେ।
ଦେଶ ପାଇଁ ଲଢି ଜୀବନ ଦେବାରେ
ହୋଇ ଅକୁଣ୍ଠିତ ଚିତ୍ତ
ରଖିବା ଦେଶର ହୃତ ଗୌରବଟି
ବଢାଇ ତା'ର ମହତ।