ବିଶ୍ୱ ପ୍ରାଣୀ ଦିବସ

ଆଜି ବିଶ୍ୱ ପ୍ରାଣୀ ଦିବସ ଅଟଇ

ଏକଥା ନିରୀହ ପଶୁ କି ଜାଣଇ ।

ତାର ମନ କଥା କିଏବା ବୁଝଇ

କେବଳ କବିଟି କବିତା ଲେଖଇ।

ନିଜେ ଲେଖି ନିଜେ ପଢ଼ିବାଟା ସାର

ଯାଏ ଆସେ କିବା ଥାଏ ପଶୁଙ୍କର।

ସେଥିପାଇଁ କରେ ନିବେଦନ ଚ୍ଛାର

କଥାଟି ବୁଝିବା ପାଇଁ ଚେଷ୍ଟା କର।

ଆସ ଆସ ଭାଇ ଭଉଣୀ ମୋହର

ମିଳିମିଶି ସେବା କରିବା ପଶୁଙ୍କର।

ଭଲ ଭଲ ଖାଦ୍ୟ ଖୁଆଇ ପିଆଇ

ଯତନ କରିବା ସ୍ଵାଧିନତା ଦେଇ।

ଚିନ୍ତିବା ତାଙ୍କରି ହିତ ପାଇଁ କିଛି

ରଚିବା ଜଙ୍ଗଲ ସୁରକ୍ଷାକୁ ଇଛି।

ବିନା ଦୋଷେ ପ୍ରାଣୀ ବଧିବାନି ଆମେ

ସ୍ନେହ ଶ୍ରଦ୍ଧା ଦେଇ ଲଗାଇବା କାମେ।

ମନରେ ରଖିବା ପ୍ରାଣୀ ପ୍ରତି ଦୟା

ଯତ୍ନ କରୁଥିବା ସାଜି ଜଣେ ଆୟା।

ମାନବିକତାର ବିକାଶ ହୋଇବ

ପ୍ରାଣୀଟି ଆମକୁ ଭୟ ନ କରିବ।

ଭଲ ପାଉଥିବ ଜୀବନରେ ତାର

ପରିଚୟ ଦେଇ ହୃଦୟବତ୍ତାର ।