" ଯୋଡାଏ ଆଖି "

ଆଖି କଥା କହେ 

ଆଖି ହସି ଦିଏ

ଲାଜର ପସରା ଆଖି ,

ଆଖି ଆଖି ତୋର ଆଖି ।

ଆଖି ଯେ ନୀଳ ସାଗର

ଆଖି ଯେ ଗୁଣି ମନ୍ତର

ଆଖି ଆଖି ତୋର ଆଖି ...

ପୁଣି କେବେ ନିରବେ ନିଶ୍ଚଳ ଆଖି ।

ଆଖି ଆଖି ତୋର ଆଖି

ଏ ହୃଦୟ ନୀଡର ପକ୍ଷୀ ,

ଆଖି ଆଖି ତୋର ଆଖି

ଦିଏ ଅବ୍ୟକ୍ତ ଭାଷାକୁ ଲେଖି ,

ଆଖି ଯେ ଜହ୍ନ ଜୋଛନା

ଆଖି ଯେ ଝର ଝରଣା

ଆଖି ଆଖି ତୋର ଆଖି

ପୁଣି କେବେ ଅଭିମାନ ଭରା ଆଖି ।

ଆଖି ଆଖି ତୋର ଆଖି

ଏ ମନକୁ ପାରଇ ଦେଖି ,

ଆଖି ଆଖି ତୋର ଆଖି

ମୋତେ କେବେ ପାରିବନି ଠକି ,

ଆଖିରେ ନିରିହ ଆଶା

ଆଖିରେ ସ୍ଵପ୍ନର ବସା

ଆଖି ଆଖି ତୋର ଆଖି

ପୁଣି କେବେ ବିରହେ ବିଚଳ ଆଖି ।