ଯନ୍ତ୍ରଣା

କହିବାକୁ କିଛି ବାକି ନାହିଁ ସବୁ ତ କହିଛି  

ସହିବାର ଆଉ ଶକ୍ତି ନାହିଁ ଖାଲି ଯନ୍ତ୍ରଣା ପାଉଛି |

ଯାହା ସବୁ କହିଛି ଏବେ ସବୁ ଅତୀତରେ ଅଛି  

ଯନ୍ତ୍ରଣାରେ ଖାଲି ଘାଣ୍ଟି ହୋଇ ଏବେ କଷ୍ଟ ପାଉଛି |

ଚାହିଁଲେ ବି ଏବେ ପଛକୁ ଫେରି ହେବ ନାହିଁ  

ଯନ୍ତ୍ରଣା ଜୁଇରେ ଜଳୁଛି ଖାଲି ଏବେ ଛାଟିପିଟି ହୋଇ |

ଭାବୁଛି ଏବେ ବସି ବସି ସେହି କଥା ସବୁ  

ଯନ୍ତ୍ରଣା କହୁଛି ବୁଝିବୁ କେବେ ? କେତେ ସରି ଆଉ ହେବୁ ?

ଭାବିଥିଲି ସେବେ ସବୁ କହିଦେଲି ଯାହା କିଛି ଭାବିଥିଲି  

ଯନ୍ତ୍ରଣା ପାଇବାର ସ୍ୱପ୍ନ କେବେ ମୁଁ ଦେଖି ନଥିଲି |

କହିବାରେ କିଛି ଭୁଲ ହୋଇଗଲା ଅବା ଭାବ ମରିଗଲା  

ଯନ୍ତ୍ରଣାକୁ ଡାକି ମୋତେ ଗ୍ରାସ କରିବାକୁ ମନ୍ତ୍ରଣା ହେଲା |

ବୁଝିବାକୁ ଏବେ ସେହି ମନ୍ତ୍ରଣା ନାହିଁ ଶକ୍ତି ବଳ  

ଯନ୍ତ୍ରଣା ଭିତରେ ଉବୁଟୁବୁ କରି ବୁଡାଇ ଦେଇଛି କାଳ |

ବୁଝି ନପାରିଲି ଏହି କାଳର ସବୁ ଚକ୍ରାନ୍ତର ଖେଳ  

ସେଥିପାଇଁ ଆଜି ଆସିଛି ଏହି ଯନ୍ତ୍ରଣାର ଦାରୁଣ ବେଳ |

ସମୟ କହୁଛି କିଛି ଜାଣିନାହିଁ ଯାଉଛି ସିଏ ଗଡି  

ଖାଲି ଯନ୍ତ୍ରଣା ଦାଉରୁ ଟିକେ ବର୍ତ୍ତିବାକୁ ଖୋଜୁଛି ଆଶାବାଡି |

ଆଶାବାଡି ଧରି ଚାଲିବି ଧୀରେ ଧୀରେ ଯାତ୍ରା ପଥରେ  

ଥାଉ ପଛେ ଏହି ଯନ୍ତ୍ରଣା ନେଇ ଯିବି ସାଥିରେ |

ଅତୀତ ଯାଇଛି ଏବେ ବର୍ତ୍ତମାନକୁ ଦେଖି ବଞ୍ଚି ରହିଛି  

କର୍ମବଳେ ଭବିଷ୍ୟତରେ ଏହି ଯନ୍ତ୍ରଣାରୁ ମୁକ୍ତ ହେବାକୁ ଭାବିଛି |