ଯିବା ଶ୍ରୀମନ୍ଦିର

ଚାଲ ଚାଲ ଲୋ ସଖୀ

ଚାଲ ଯିବା ଶୀରୀମନ୍ଦିର,

ରତନ ବେଦିରେ କାଳିଆ ସାଆନ୍ତ

ଦିଶୁଥିବେ ଭାରି ସୁନ୍ଦର ॥

ଭାଇ ବଳଭଦ୍ର ଭଉଣୀ ସୁଭଦ୍ରା

ଥିବେ ପୁଣି ତାଙ୍କ ସଙ୍ଗର,

ଯେତେ ପାପ ତାପ ଦୂରହୋଇଯିବ

ଦରଶନ ମାତ୍ରେ ତାଙ୍କର ॥

ଲକ୍ଷ୍ମୀ ମନ୍ଦିରରେ ଘଢିଏ ବସିବା

ତା ଟଙ୍କ ତୋରାଣୀ ମୁନ୍ଦିଏ ପିଇବା,

ଆନନ୍ଦ ବଜାରେ ଅଭଡା ଖାଇବା

ଭୋକ ଶୋଷ ହେବ ଦୂର ॥

ତା ମହୋଦଧିରେ ବୁଡ ପକାଇବା

ତା ଶରଧାବାଲି ମୁଣ୍ଡରେ ମାରିବା,

ସବୁ ଦୁଃଖ ଯିବ ତୋର

ଚାଲ ଚାଲ ଲୋ ସଖୀ..... ॥

@ସୌଦାମିନୀ ପଟ୍ଟନାୟକ

ପାହାଳ

ଭୁବନେଶ୍ଵର