ତୁମେ ଏକା ସତ୍ୟ

ଜୟ ଜୟ ଜଗନ୍ନାଥ ହେ ଜଗତର ନାଥ

କାହାକୁ ଦିଅ ସୌଭାଗ୍ୟ କିଏ ସେ ଅନାଥ ।

ସାରା ବିଶ୍ଵ ବ୍ରହ୍ମାଣ୍ଡକୁ କର ଆତ ଜାତ

କିଏ ସେ ଜାଣିବ ଅବା ତୁମ ଆଦି ଅନ୍ତ ।

ବଡ ଦେଉଳେ ବସିଛ କରି ମୌନବ୍ରତ

ହେଲେ ରହିପାର ନାହିଁ ଡାକିଦେଲେ ଭକ୍ତ ।

ଏ ସଂସାରେ ପ୍ରଭୁ ତୁମେ ଏକା ଦୟାବନ୍ତ

ଏ ଦୁନିଆ ଚାଲେ ପ୍ରଭୁ ତୁମ ଇଚ୍ଛା ମତ ।

ସବୁ ଏଠି ମିଛ ପ୍ରଭୁ ତୁମେ ଏକା ସତ୍ୟ

ଭକ୍ତ ପାଇଁ ଟେକି ଦେଇ ଅଛ ଦୁଇ ହସ୍ତ ।

ତୁମ ପାଦ ତଳେ ପ୍ରଭୁ କୋଟି ପ୍ରଣିପାତ

କୃପା ଦୃଷ୍ଟି ରଖିଥିବ ଆହେ ଗୋପୀନାଥ ।