ନାନା ବାୟା ଗୀତ

ରାଜା ଯାଇଥିଲେ ପାରିଧି କରି

ଦେଖିଲେ ଆକାଶେ ଉଡୁଛି ପରୀ

ପରୀ ତ ପରୀ ସେ ଭାରି ସୁନ୍ଦରୀ

ରାଜା ତାକୁ ଦେଲେ ଆଖିରେ ଠାରି ॥

ପରୀ ତ ଆସିଲା ତଳକୁ ଖସି

ରାଜାଙ୍କର ମନ ବହୁତ ଖୁସି

ରାଜା ପରୀ ଗଲେ ରଥରେ ବସି

ଦେଖୁଥିଲେ ତାଙ୍କୁ ନଗର ବାସୀ ॥

ପରୀ ହୋଇଗଲା ରାଜ୍ୟର ରାଣୀ

ମୁଣ୍ଡେ ପକାଇଲା ପାଟ ଓଢଣି

କେତେ ସୁଆଦିଆ ଖାଇବା ଆଣି

ରାଜା ଦେଲେ ରାଣୀ ମନକୁ ଜାଣି ॥

କଇଁଚି କାକୁଡି ଲଲିତା ପିତା

ରାଜାଙ୍କର ହେଲା ଦୁଇ ଦୁହିତା

ଜଣେ ଗୀତା ଆଉ ଜଣିଏଁ ସୀତା

ଦୁଇଜଣ ହେଲେ ଜଗତ ଜିତା ॥

ରାଜା ରାଣୀ ଗପ ସରିଗଲାଣି

ଅଝଟିଆ ଧନ ଶୋଇଗଲାଣି

କାଲିକି କାନ୍ଦିଲେ ମୋ ଧନମଣି

ନୂଆ ଗପଟିଏ କହିବି ପୁଣି ॥