ଯୌଥ ପରିବାର
ଯୌଥ ପରିବାର
ଏକତାର ମୂଳ ଯୌଥ ପରିବାର
ଅନାଦି କାଳରୁ ସମାଜେ ଗଢ଼ା
ସ୍ନେହଶ୍ରଦ୍ଧା ପ୍ରେମ ମମତାର ଡୋର
ସଭିଙ୍କ ଜୀବନେ ନିହାତି ଲୋଡ଼ା ।
ଜେଜେ ବାପା ମାଆ ଘରର ମୁଖିଆ
ନୀତି ଆଦର୍ଶର ପାଳନକାରୀ
ତାଙ୍କ ସ୍ନେହଶ୍ରଦ୍ଧା ଉପଦେଶାବଳୀ
ଜୀବନେ ଅମୂଲ୍ୟ ସମ୍ପଦ ଶିରୀ ।
ବାପା ମାଆ ଦାଦା ଖୁଡୀ ବଡ଼ମାଆ
ବଡ଼ ବାପାଙ୍କର ଅସୀମ ପ୍ରେମ
ତାଙ୍କରି ଶାସନ ଯତନ ସେବାରେ
ଚଲାପଥ ଆମ ହୁଏ ସୁଗମ ।
ଭାଇ ଭଉଣୀଙ୍କ କଳି ତକରାଳ
ରାଗରୁଷା ଅଳି ଭାରି ମଧୁର
ପରିବାର ନୁହେଁ ସ୍ୱର୍ଗପୁର ସିଏ
ସେନେହ ଶରଧା ପ୍ରୀତି ଭଣ୍ଡାର ।
ଯେତେ ଝଡଝଞ୍ଜା ବିପଦ ଆସିଲେ
ମିଳିମିଶି ସର୍ବେ କରନ୍ତି ଦୂର
ହାତସାଥେ ହାତ ମିଳାଇ ଚାଲନ୍ତି
ଭାଗ୍ୟ ଫଳେ ପାଇଁ ନଥାଏ ଡର ।
ଆଧୁନିକତାର ସ୍ପର୍ଶରେ ସମାଜେ
ଯୌଥ ପରିବାର ହେଲାଣି ଶୂନ୍ୟ
ଅତୀତର ସେଇ ସୁଖଶାନ୍ତି ପ୍ରୀତି
ଖୋଜି ହେଉଅଛି ଦୁଃଖୀ ଜୀବନ ।