ଯୌଥ ପରିବାର
ଯୌଥ ପରିବାର
ଯୌଥ ପରିବାର ସହାନୁଭୂତିର
ଏକତ୍ୱରେ ଆଦର୍ଶିତ
ଭାତୃତ୍ୱ ଡୋରିରେ ସ୍ନେହ ମମତାରେ
ପରସ୍ପର ଆକର୍ଷିତ ll
ହିଂସା ବାଦ ମୁକ୍ତ ପବିତ୍ର ବ୍ୟକ୍ତିତ୍ୱ
ସତରେ ବୈକୁଣ୍ଠପୁର
ଚରିତ୍ର ଗଠନ ମାନ ସନମାନ
ଶିକ୍ଷାର ସର୍ବୋଚ୍ଚ ସ୍ତର ll
ମାନ ଅଭିମାନ ସ୍ଥାୟିତ୍ୱ କ୍ଷଣିକ
ରାଗଶୂନ୍ୟ ଭାବାନ୍ତର
ଭୁଲି ମତାନ୍ତର ଭାବ ନିଃସ୍ୱାର୍ଥର
ରହେ ପ୍ରେମ ନିରନ୍ତର ll
ପ୍ରବାହ ଜ୍ଞାନର ତତ୍ତ୍ୱ ସଂସ୍କୃତିର
ପିଢ଼ିରୁ ପିଢ଼ି ବିସ୍ତରେ
କୌଳିକ କର୍ମର ଧନ ରୋଜଗାର
ଶିଶୁ ଶିଖେ ପରିବାରେ ll
ପ୍ରଥା ନୀତି ରୀତି ପରମ୍ପରା କୀର୍ତ୍ତୀ
ସାହା ଯୌଥ ପରିବାର
ଯୌଥ ପରିବାର ନାହିଁତ ଆଦର
ଭାଗ ହୁଏ ପରିବାର ll
ଛୋଟ ପରିବାର ଜୀବନ ବନ୍ଦୀର
ଈର୍ଷା ଦ୍ୱେଷ ଭରପୁର
ସ୍ୱାଦିଷ୍ଟ ଭୋଜନ ସ୍ୱାର୍ଥନ୍ଧ ପରାଣ
ପ୍ରୋତ୍ସାହିତ ଅସଭ୍ୟର ll
ଯୌଥ ପରିବାର ଭାଙ୍ଗିଲେ ବେକାର
ଭାଇ ସାଜେ ଭାଇ ବୈରୀ
ସମାଜ ସ୍ଖଳନ ଲୋଭ ମୋହ ଧନ
ପ୍ରତ୍ୟେକରେ ଭାଗିଦାରୀ ll
ବଡ଼ ପରିବାର ସବୁ ପାରିବାର
ପ୍ରାଚୀନ ଗ୍ରାମୀଣ ପ୍ରଥା
ମାନିଲେ ହସିବ ସଂସାର ବସିବ
ବଢିବ ମାନବିକତା ll