ଯୌବନର ବେଳାତଟେ
ଯୌବନର ବେଳାତଟେ
ଯୌବନର ବେଳାତଟେ ପ୍ରୀତି ସମୀରଣ ସ୍ପର୍ଶେ
ତଲ୍ଲୀନ ମୁଁ ଅନୁରାଗେ ଜହ୍ନର ଜୋଛନା ଫାଶେ
ଆକାଂକ୍ଷିତ ତନୁ ମନ ପ୍ରୀତିମଗ୍ନ ମଧୁ ବାସେ
କଳ୍ପନାର ନଗରୀରେ ଭ୍ରମୁଅଛି ସ୍ମିତାହାସ୍ୟେ
ଆଖିକୋଣେ ନିତି କେତେ ମଧୁଝରା ସ୍ୱପ୍ନ ଭାସେ
ଅଭିମାନ ଆସ୍ତରଣେ ପ୍ରିୟା ପାଇଁ କାହିଁ ରୁଷେ
ହୃଦୟରେ ପ୍ରୀତିପୂର୍ଣ୍ଣ ଭିନ୍ନ ଭିନ୍ନ ରଙ୍ଗ ବର୍ଷେ
ବିରହିଣୀ ମନ ସାଜେ ପୁଲକିତ ଅଭିଲାଷେ
ଫଗୁଣର ଆଗମନେ ଆନମନା ପ୍ରୀତିରସେ
ଚତୁର୍ଦ୍ଦିଗ କୁଞ୍ଜବନ ପ୍ରେମମୟ ରଙ୍ଗ ଦିଶେ
ଅଜାଣତେ ପ୍ରୀତି ଅଳି କରେ ପ୍ରିୟା ପାଶେ
ବ୍ୟାକୁଳିତ ମନ ମୋର ଚିତ୍ରଟିଏ ଆଙ୍କିବସେ
କ୍ଷୁଧାତୁର ପଥିକ ମୁଁ ନିରୁଦ୍ଦିଷ୍ଟ ପ୍ରୀତିଦେଶେ
କାମନାର ରଙ୍ଗମାଖି ଚାତକ ମୁଁ ପ୍ରିୟାପାଶେ