ଯାନ୍ତ୍ରିକ ମଣିଷ
ଯାନ୍ତ୍ରିକ ମଣିଷ
ଆଜିକା ଦୁନିଆ ଯାନ୍ତ୍ରିକ ପଣିଆ
ଜନ୍ମରୁ ମରଣ ଯନ୍ତ୍ର
ମାଇଲି ମାଇଲି ଦୂରରେ ଥାଇକି
ମୋବାଇଲି ଫୁଙ୍କେ ମନ୍ତ୍ର l
ଲାପଟପ କଥା କିଅବା କହିବା
ନୋହିଲେ ବେପାର ମାନ୍ଦା
ଗାଡି ମଟରଟେ ନହଲେ ଏ ଜନ
ଘରେ ହୋଇଯାଏ ବନ୍ଧା l
ସଂସାରରେ ଯେତେ ନୁଆ ନୁଆ ବସ୍ତୁ
ଯନ୍ତ୍ରରେ ହେଉଛି ତିଆରି
ଦୁଇମତ ନାହିଁ ସଂସାର ବୁଡିବ
ସାକ୍ଷୀଥିବ ଯନ୍ତ୍ର ସବୁରି l
ଯନ୍ତ୍ର ହର୍ତ୍ତା କର୍ତ୍ତା ଯନ୍ତ୍ରହିଁ ବିଧାତା
ହୋଇଯିବ ଭବିଷ୍ୟତରେ
ଯନ୍ତ୍ରରେ ମରିବା ଯନ୍ତ୍ରରେ ବଂଚିବା
ଶୁଭୁଥିବ ସବୁସ୍ଥାନରେ l
ଯାନ୍ତ୍ରିକ ମଣିଷ ଯନ୍ତ୍ରରେ ହଜିବ
ଭୁଲିଯାଇ ବନ୍ଧୁ -ସୋଦର
ଯନ୍ତ୍ରରେ ଯନ୍ତ୍ରରେ ସବୁକାମ ହେବ
ପଙ୍ଗୁ ହୋଇଯିବ ସଂସାର l
ବେଳ ଥାଉ ଥାଉ ସାବଧାନ ହୁଏ
ଆହେ ଜ୍ଞାନୀ ଗୁଣି ଜନ !
ଆବଶ୍ୟକ ସ୍ଥଳେ ନିଅ ଯନ୍ତ୍ରପାତି
ଏ ସୃଷ୍ଟି ହୋଇବ ଧନ୍ୟ l