ଉତ୍ତମ ଛାତ୍ର

ଉତ୍ତମ ଛାତ୍ରଟେ ହେବା ପାଇଁ ହେଲେ

ବିଦ୍ୟା ଶିକ୍ଷା କିଛି ଲୋଡ଼ା ,

ବଂଚିବାକୁ ଶିକ୍ଷା ସେବା ପାଇଁ ବିଦ୍ୟା

ଦେଇଥାଏ ଫୁଲ ତୋଡା

ସକାଳୁ ଉଠିବି ପ୍ରଣାମ କରିବ

ପ୍ରଥମେ ବାପା ମାଆ ଙ୍କୁ ,

ମୁହଁ ହାତ ଧୋଇ ଦାନ୍ତକୁ ଘଷିବ

ଶେଷ କର ଶୌଚ କାମ ,

କିଛି ଖାଇ ନେଇ ପାଠରେ ବସିବ

ସାରିବ ଘରର କାମ

ଠିକ୍ ସମୟରେ ବିଦ୍ୟାଳୟ ଯାଇ

ପ୍ରାର୍ଥନାରେ ଯୋଗ ଦେବ ,

ଶ୍ରେଣୀ ଗୃହ ମଧ୍ୟେ ଶିକ୍ଷାଦାନ ସବୁ

ମନ ଦେଇ ଶୁଣୁ ଥିବ

ସାଙ୍ଗ ସାଥି ସଂଗେ ଖୁସି ବାଣ୍ଟୁଥିବ

ଆଘାତ ଦେବନି ମନେ ,

ଶିକ୍ଷାଦାନ ପରେ ଘରକୁ ଫେରିବ

ସଂଧ୍ୟାରେ ବସିବ ଧ୍ୟାନେ

ଗୁରୁଜନ ପ୍ରତି ଭକ୍ତି ରଖୁଥିବ

ଲଘୁଜନେ ଦେବ ସ୍ନେହ ,

ବିଦ୍ୟା ଶିକ୍ଷା ଦୁଇ ଆୟତ୍ତ କରିଲେ

ସବୁଠି ହେବ ବିଜୟ