ଲାଇବ୍ରେରୀ
ପ୍ରୋଫାଇଲ୍
ଉଠି ସଜ ହୁଅ ସିନା
ଉଠି ସଜ ହୁଅ ସିନା
1 min
220
ଚଉଦ ଦିନର ଅଣସରେ ରହି
ଭୋଗିଛ କେତେ ଯାତନା
କେତେ ଜଡିବୁଟି ଫୁଲୁରୀ ମର୍ଦ୍ଦନେ
କମିଛି ତୁମ ବେଦନା
ଜ୍ୱରୁ, ଉଠି ସଜ ହୁଅ ସିନା l0l
ଦେଖିନ ଚଉଦ ଦିନ ଭକତଙ୍କୁ
ଜ୍ୱରର କଷଣେ ପଡି
ସଜ ହୋଇ ଏବେ ବସିଲେଣି ପ୍ରଭୁ
ଯିବେ ଦାଣ୍ଡେ ରଥ ଚଢି
ବଡଦାଣ୍ଡେ ଭକ୍ତ ବୁଝିବେ ଦୁଃଖତ
ଫେଡ଼ିବେ ତାଙ୍କ ଯାତନା l1l
ଭକତର ଧାମ ଭକତରେ ପୂର୍ଣ୍ଣ
ରହିଥାଏ ପ୍ରତି ଦଣ୍ଡେ
ହେଲେ ଦୁଇ ସନ ଲାଗୁନାହିଁ ମନ
ଭକ୍ତ ବିନା ବଡଦାଣ୍ଡେ
ଖାଲି ଦାଣ୍ଡେ ଆଉ କା ଦୁଃଖ ବୁଝିବ
ବୁଲୁଛ ଉଡାଇ ବାନା l2l
