ଉତ୍କଳ ଜନନୀ

ଅଙ୍ଗେ ଅଙ୍ଗେ ଶ୍ରୀମଣ୍ଡିତ ଉତ୍କଳ ଜନନୀ

ସରଗର ଶୋଭା ପୂର୍ଣ୍ଣା ପ୍ରକୃତି ନନ୍ଦିନୀ

ଯୁଗେ ଯୁଗେ ଅଦ୍ୱିତୀୟ ଜଗତ ବନ୍ଦିନୀ

ମମତାର ପ୍ରୀତିଧାରା କଲ୍ୟାଣ କାରିଣୀ ।

ଭକ୍ତି,ଶକ୍ତି,ମୁକ୍ତିମୟୀ ଶାନ୍ତି ପ୍ରଦାୟିନୀ

ବିଶ୍ୱାସ ମନ୍ତ୍ରରେ ମୁଗ୍ଧା ଚିର ଆହ୍ଲାଦିନୀ

ରତ୍ନଗର୍ଭା ଭଟ୍ଟାରିକା ଶସ୍ୟ ଶ୍ୟାମଳିନୀ

ପୁଣ୍ୟପ୍ରଭା ପ୍ରକାଶିନୀ ବୀର ପ୍ରସବିନୀ ।

ତୀର୍ଥଭୂମି ଧର୍ମରାଣୀ  ମନ୍ଦିରମାଳିନୀ

ଶରୀରରେ ଶୋଭାପାଏ ସୁନାବ୍ୟାତଟିନୀ

ଗିରି,ବନେ ପୁଷ୍ପ ଭରା ଭୁବନ ମୋହିନୀ

ଭାଷା,ନୃତ୍ୟ,ଗୀତ ସୁର ମଧୁ ନିନାଦିନୀ ।

କଳାକୀର୍ତ୍ତି ଭାସ୍କର୍ଯ୍ୟରେ ସର୍ବଦା ଅଗ୍ରଣୀ

ମୋ' ଜୀବନ ଜନ୍ମଭୂମି ପାଳନକାରିଣୀ