Library
Profile
ଉତ୍କଳ ଦିବସ
ଉତ୍କଳ ଦିବସ
ଖଣ୍ଡ ଖଣ୍ଡ ଛିଣ୍ଡି ପଡିଥିଲା ଉତ୍କଳ
ମା ମାଟିର ଏଇ ଶରୀର
ସନ୍ତାନ ତୋହର, ଜାଗିଲେ କରିବାକୁ
ଭାଷାଗତ ସ୍ୱତନ୍ତ୍ରତା ଉତ୍କଳର ।
ମଧୁବାବୁ, ଗୋପବନ୍ଧୁ, ଫକୀର ମୋହନ,
କୃଷ୍ଣଚନ୍ଦ୍ର ଓ ରାମଚନ୍ଦ୍ର ନେତୃତ୍ୱରେ
ଉତ୍କଳ ସମ୍ମିଳନୀର ହୋଇଲା ଗଠନ ପରା
୧୯୦୩ ମସିହାରେ ।
ନ୍ୟାୟ ଓ ଅହିଂସା ପାଥେୟ କରିଣ ଲଢ଼ିଲେ
ସ୍ୱାଭିମାନ ଭରି ବୀର ଦର୍ପରେ
ପ୍ରତିଷ୍ଠା ହୋଇଲା ଭାଷାଗତ ସ୍ବତନ୍ତ୍ର ଓଡିଶା
ସହସ୍ର ସହସ୍ର ଓଡିଆଂକ ଏକତାରେ ।
କେତେ ଘାତ କେତେ ପ୍ରତି ଘାତ ସହି ୧୯୩୬
ଏପ୍ରିଲ ଏକ ତାରିଖ ଦିନ
ହୋଇଲା ସ୍ଵତନ୍ତ୍ର ପ୍ରଦେଶ ଗଠନ, ଆଜ ଦିନ
ଓଡିଆଙ୍କ ଗର୍ବ ଗୌରବର ଦିନ ।
କେତେ କେତେ ବୀର ସନ୍ତାନ ଦେଇଛନ୍ତି
ପ୍ରାଣ ଓଡ଼ିଆ ସାହିତ୍ୟ ସଂସ୍କୃତି ପାଇଁ
ଭୁଲିବାନି କେବେ ସେହି ବୀର ପୁରୁଷଙ୍କ
ସାଧନାକୁ ଜୀବନରେ ଭଉଣୀ ଭାଇ ।
ଆଜି ବି ଆମରି ଓଡ଼ିଆ ଭାଷାକୁ ଆମ
ଗୁଣ ନେଇ କରୁଛେ ହୀନିମାନ
କୋର୍ଟ କଚେରୀ ସରକାରୀ କାମେ ଏତେ
ବର୍ଷ ପରେ ଓଡ଼ିଆର ନାହିଁ ସ୍ଥାନ ।
ଉତ୍କଳର ନରହି ଅଙ୍ଗ କୋଟିଆ କାନ୍ଦୁଛି
ପରିଚୟ ପାଇଁ ଅନ୍ୟ ରାଜ୍ୟେ ରହି
ଝାଡ଼ଖଣ୍ଡର କେତେ ଅଂଚଳରେ ଲୋକେ ଓଡ଼ିଆ
କୁହନ୍ତି ଆମ କଳିଙ୍ଗରେ ରହିନାହିଁ ।
ସଭିଏ ଶପଥ ନେବା ଲୁହ ତାଂକର ପୋଛିବା
ପାଇଁ ରଖିବା ମା ମାଟିର ଟେକ
ଆମର ଗୌରବ ଫେରାଇବା ପାଇଁ ଆସ ଆସ
ସମସ୍ତେ କରିବା ବଜ୍ର ସଂକଳ୍ପ ।
