ଉଷୁମ ପରଶ

ମନ ସିନା ତୋର

ଅଦେଖା ରୂପରେ

କାନ ଡେରିଛି

ତୋ ପଦପାତ ପାଇଁ 

ଦିନ ସାରା ସିନା

ତୋ ଚଂପା ମୁହଁଟି

ଝଲସେ ମୋ ହୃଦ 

ମୁକୁରେ ଗୋରୀ l

ତୋ ଲାଜୁଆ ହସର

ମିଠା ପରଶ

କି କିମିଆଁ କଲା ମୋତେ

ତୋର ଢଳ ଢଳ ସେଇ

ଚୋରା ଚାହାଣୀର 

ପ୍ରେମରେ ପଡିଲି ସତେ l

କେବେ ତୁ ଆସିବୁ

ରାତିର ଅଂଧାରେ

ସୁଷମା ଫରୁଆର 

ବାସ ବିଞ୍ଚିଦେଇ 

କେତେ ଉଠବସ

ହେଉଛି ମୁଁ ସତେ

ଭାଳି ତୋର କଥା 

ତୋ ରୂପଶିରୀ l

ତୋ ବାହୁ ବଂଧନେ

ମୋ ଦେହ ଯେବେ

ତୋ ଉଷୁମ ପରଶ ଛୁଇଁବ

ଜଳି ଯିବି ମୁହିଁ

ତିଳତିଳ ହୋଇ

ନିଭାଇବୁ ସଖୀ

ତୋ ଅଧର ସୁଧା ଢାଳି

ସେଇ ପରଶରେ

ମେଣ୍ଟିଯିବ ମୋର

ସବୁ କ୍ଲାନ୍ତି ଅବଶାଦ l