ଉପଦେଷ୍ଟାଙ୍କର ଉପାଧି

ଗୁରୁଜନ ହେଲେ ପ୍ରାଜ୍ଞତାର ପ୍ରତିନିଧି,

ଶିଷ୍ୟଙ୍କୁ ଅବଦାନ କରନ୍ତି ଜ୍ଞାନର ନିଧି,

ସୃଷ୍ଟି ଯିଏ କରନ୍ତି ସମୃଦ୍ଧ ବୁଦ୍ଧିର ଉଦଧି,

ଅତି ଆଦରଣୀୟ ଉପଦେଷ୍ଟାଙ୍କର ଉପାଧି |୧|

ଗୁରୁଙ୍କ ଉପଦେଶ ସ୍ୱୟଂ ଉତ୍କୃଷ୍ଟ ଉପଲବ୍ଧି,

ତାଙ୍କରି ଦ୍ୱାରା ଲଙ୍ଘି ହେବ ଅଜ୍ଞାନର ବାରିଧି,

ତାଙ୍କ ସହ ଅବଧି ହେଲା ଅମୁଲ୍ୟ ପୟୋନିଧି,

ନିରବଧି ସ୍ମରଣୀୟ ତାଙ୍କର ସୌହାର୍ଦ୍ଦ୍ୟ ସନ୍ନିଧି |୨|

ପ୍ରତ୍ୟେକ ବିଦ୍ୟାର୍ଥୀକୁ ଶିକ୍ଷକ କରି ପାରନ୍ତି ଯିଏ ଗୁଣନିଧି,

ବ୍ରହ୍ମର୍ଷି ବଶିଷ୍ଠ ବିଶ୍ଵାମିତ୍ର ପ୍ରଦାନ କରିଲେ ଶ୍ରୀରାମଙ୍କୁ ସିଦ୍ଧି,

ଶ୍ରୀକୃଷ୍ଣ ସମ୍ପ୍ରାପ୍ତ କରିଲେ ସାନ୍ଦୀପନି ମୁନିଙ୍କ ପାଣ୍ଡିତ୍ୟ ପରିଧି,

ଗୁରୁଜନଙ୍କର ଆଶୀର୍ବଚନରୁ ସମ୍ପ୍ରାପ୍ତି ହେବ ପ୍ରସିଦ୍ଧି ସର୍ବସିଦ୍ଧି |୩|