ଉଣେଇଶୀ କ ପଣକିଆ ଗୀତ

ଉଣେଇଶୀ  ଏକେ ଉଣେଇଶୀ,

ପୁସ ପୁସ 'ଆ' ପୁଷି  ମାଉସୀ  l

ଉଣେଇଶୀ  ଦୁଗୁଣେ  ଆଠତିରିଷି,

ମୋ' ପାଖକୁ  'ଆ'  ଦେବି ଆଉଁସି l

ଉଣେଇଶୀ  ତିରିକି  ସତାବାନ,

ଧରିବାକୁ  ତୋତେ ହୁଅଇ ମନ  l

ଉଣେଇଶୀ  ଚଉକୁ  ଛସ୍ତରୀ,

ନେ ଖାଇଦେ  ଟିକେ କ୍ଷିରୀ  l

ଉଣେଇଶୀ  ପଞ୍ଚା  ପଞ୍ଚାନବେ,

ତୋତେ  ପୋଷିବି  ନେଇ  ଏବେ  l

ଉଣେଇଶୀ  ଷୋକୋ ଶହେ - ଚଉଦ,

ଡାକୁଛି  ତୋତେ  କରି  ବରାଦ  l

ଉଣେଇଶୀ  ସତା  ଶହେ- ତେତିଶୀ,

ଆମ  ଘରେ  ମୂଷା ଅଛନ୍ତି  ବେଶୀ  l

ଉଣେଇଶୀ  ଅଷ୍ଟା  ଶହେ - ବାଉନ,

ସେମାନଙ୍କୁ  କରିବୁ  ତୁ  ଭୋଜନ  l

ଉଣେଇଶୀ  ନୂଆଁ  ଶହେ - ଏକସ୍ତରୀ,

ମୂଷା ବଂଶକୁ  ତୁ  ନିପାତ  କରି  l

ଉଣେଇଶୀ  ଦଶା  ଶହେ - ନବେ,

ସବୁରି ସେନେହ ପାଇବୁ  ତେବେ  l