ଵୁଦ୍ଧିମାନ୍ ଵାନର

ଆଜିର ଏ "ଗିଭ୍ ଆଣ୍ଡ ଟେକ୍" ଯୁଗରେ

ସାମାନ୍ୟ ଆଇ ଲଭ୍ ୟୁ କହି

ତୁମେ ମୋତେ ହୃଦୟ ମାଗୁଛ !

   କାଇଁ !

ମୋ ହୃଦୟ କ'ଣ 

ବେଳାଭୂମି ଝାଉଁଵଣ

ଅନାୟାସେ କରିଵ ବିଚରଣ !

ନା ନା  

ତୁମ ଆଇ ଲଭ୍ ୟୁ 

ଆତ୍ମହତ୍ୟା କରୁପଛେ 

ମୋ'ର ହଵାର ନାହିଁ 

ଭାବପ୍ରବଣ !

ହୃଦୟ ହାଟରେ 

ବେପାର କରିବାକୁ 

ପ୍ରବେଶ କରିଛ ଯେତେବେଳେ 

ବଜାର ଭାଉ ଉପରେ 

ଏତେ ଅନଭିଜ୍ଞ 

କେମିତି ସୌଦାଗର !

ଵୁଝାପଡୁନି

ତୁମେ ଆତୁର ନା ଚତୁର !

ଏଯାବତ୍ ତୁମ ଭାବନାର 

ଭୌଗଳିକ ଭୂଖଣ୍ଡରେ 

ପ୍ରସ୍ଫୁଟିତ ହୋଇନି 

ପ୍ରୀତିର ମହ୍ଲାର !  

ବାହାନାରେ ବି 

ଏତେ ବିଭୋର

ଧନ୍ୟ ତୁମେ ସୌଦାଗର !

ପ୍ରେମ ବୋଧେ ଅଣସରରେ

ଭୀଷଣ ଜ୍ବରରେ 

ପୀଡ଼ା ତା'ର ଭୟଙ୍କର !

  ଜାଣିଛ ସୌଦାଗର !

ବିଶ୍ଵାସମାନେ ଯେବେ 

ସାଜନ୍ତି କୁମ୍ଭୀର

ବୋକାଠୁ ନିହାତି ବୋକା ଵି

ବନିଯାନ୍ତ ବିଚକ୍ଷଣ 

ଵୁଦ୍ଧିମାନ୍ ବାନର !

ବନ୍ଧୁତା ଯଦିଓ 

ନିଲାମ୍ ହୁଏ 

ଶାଗ ମାଛ ଦର୍ ରେ 

ଛଳନାର ଚକ୍ରବ୍ୟୁହରେ

କଲିଜା କିନ୍ତୁ ରହିଥାଏ 

ଗଛ କୋରଡରେ 

ଖୁବ୍ ସ୍ଵକ୍ଷ୍ମ ଓ ସୁରକ୍ଷିତ ଅବସ୍ଥାରେ ! 

ହୃଦୟ ହରିଲୁଟ୍ 

ହେଵା ଆଗରୁ 

ଫେରିଯାଅ ସୌଦାଗର

ତୁମେ ଏକ ଅଚିହ୍ନା

ଋତୁର ସ୍ବର  

ତୁମେ କି ପାଇବ ଛନ୍ଦ ,ତାଳ ,ଲୟ 

 ଏକ ଶାଶ୍ଵତ ସମ୍ପର୍କର !