ଲାଇବ୍ରେରୀ
ପ୍ରୋଫାଇଲ୍
ଉଡାଣ
ଉଡାଣ
1 min
209
ପକ୍ଷୀ ପରି ଜୀବନ୍ତ ନୁହେଁ ସିନା
ହେଲେ ପକ୍ଷୀ ସମ ଉଡ଼ିବା ଭାବନା
ଆଣିଦିଏ ଉଡାଜାହାଜ ଉଦ୍ଭାବନା
ଆକାଶରେ ଉଡ଼ିବାର ଆଶା
ଛୁଇଁବାକୁ ଗଛ ଆଉ ପକ୍ଷୀ ବସା
ମନେ ଆଣେ ଉନ୍ମାଦନା
ସାଗର ବକ୍ଷ ଚିରି
ଦିଗନ୍ତ ଦିଗନ୍ତ ବିସ୍ତାରି
ସଫଳ କରିବାକୁ ଯୋଜନା
ପ୍ରସ୍ତାବିତ ଅନୁମୋଦିତ ସମ୍ଭାବନା
ପକ୍ଷୀଟିକୁ ବାନ୍ଧି ରଖନା
ମୁକ୍ତ ବିହଙ୍ଗ ପରି
ଉଡ଼ିଲେ ଲାଗେ ଯେପରି
ସେତ ପାଇଛି ନିଜର ଚେତନା
ପ୍ରତ୍ୟେକ ସଜୀବ ସ୍ୱାଧିନମନା
ବାନ୍ଧିରଖି ସୁନା ଥାଳି ଖାଦ୍ୟ
ରୂପା ବୃତ୍ତରେ ହୀରା ଉପପାଦ୍ୟ
ପକ୍ଷୀ ଝୁରିବ ହୋଇ ଆନମନା
ଯେଣୁ ଉଡାଣ ଅସ୍ତିତ୍ଵ ଉପସ୍ଥାପନା
