ଉଦାସ ହସ

ପରାଜିତ ହସ

ଆଖିକୁ ମାଗିଲି ସପନ ରାସ୍ତା

କହିଲା ରାତିକୁ ଆସ

ରାତିକୁ ମାଗିଲି ଆଖିର ନିଦ

କହିଲା ଦିନରେ ହସ

ଦିନକୁ ମାଗିଲି ଜୋଛନା ଟୋପେ

କହିଲା ଏବେ ପା ଶ୍ରାବଣ ମାସ

ଶ୍ରାବଣକୁ ଯେବେ ମାଗିଲି ଶ୍ରାବଣୀ

ମେଘରେ ମାଘୁଆ ଶୋଷ

ମେଘର ଠିକଣା ମାଗିଲି ଯେବେ

ଯାଆ ଆକାଶ ଉଆସ

ଆକାଶକୁ ଯେବେ ମାଗିଲି ଜହ୍ନ

କଲା ମତେ ଉପହାସ

ଛାତ ତଳେ ଆଉ ଛତା ନାହିଁ ଯେଣୁ

ନୀଳକଇଁ ପରି ପିଇବି ନୀଳବିଷ

ବରଷା ବତାଏ ପ୍ରେମର ଠିକଣା

ମେଘର ଭରା ରୋଷ

ମେଘକୁ ପଚାରି ବୁଝିସାରିଛି ମୁଁ

କହିବ କାଳେ ସବୁ ଜଉତିଷ

କହେ ନବଗ୍ରହ ସ୍ଥିତି ଭଲନାହିଁ 

କରିଦେବ ସର୍ବନାଶ

ସେଦିନୁ ଆଉ ମୁଁ ମାଗୁନି କାହାକୁ

ଯଦିଓ ପାଉଛି ଅନେକ କ୍ଳେଶ

ଆଜି ଯଦି ଦିଏ ଭାଗ୍ୟଫଳ ଦୋଷ

ପରାଜୟ କହେ ଦୁଃଖ ପରେ ସୁଖ ଅଶେଷ

ନୁହେଁ ଭାଗ୍ୟ ଦୋଷ ନକରି ରୋଷ କି ଦ୍ୱେଷ

ଇନ୍ଦ୍ରଧନୁର ସାତରଙ୍ଗ ବାଘନିଶ ।