ଉଚ୍ଚମନା ନିମ୍ନଗା
ଉଚ୍ଚମନା ନିମ୍ନଗା
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
135
ବହି ବହି ଯାଉ ନିମ୍ନଗା ତୁହି ଲୋ
କହି କହି ଏଇ କଥା
ଆଗେଇ ଚାଲରେ ବୀର ସୈନିକ
ଦେଇ ବିଜୟର ବାର୍ତ୍ତା।ଘୋ।
କଣ୍ଟକିତ ଆଉ ପଙ୍କିଳ ପଥ ଯେ
ହୁଏ ତୋର ଚଲାପଥ
ବାଧା ବନ୍ଧନ ଦୂରେ ସବୁ ଠେଲି
ଅଗ୍ରସର ହୁଅ ମିତ।୧।
ଉଦର ତୋହର ହୁଏ ତ ବିଶାଳ
ଦୂରେ ଦୂରେ ଯେତେ ଯାଉ
ସସ୍ନେହ ସର୍ବେ କରି ଆପଣାର
ସାର୍ଥକ ଜୀବନ ହେଉ।୨।
ଆନନ୍ଦ ଲଭୁ ତୁ ଲକ୍ଷ୍ୟ ପୂରଣେ
ସାଗରେ ମିଶିଲେ ଯାଇ
ପର ଉପକାର ମୋକ୍ଷ ପ୍ରାପ୍ତି ପାଇଁ
ମଣିଷ ଜନମ ଭାଇ।୩।