ତୁମରି ପ୍ରତୀକ୍ଷା

     ପରଦେଶୀ ପ୍ରେମୀ ଘର ଲେଉଟାଣି

    ପଠାଇଲେ ଯେବେ ସନ୍ଦେଶ

ମନ ହୃଦୟ ବିହ୍ୱଳିତ ହେଲା

     ତନ ହୋଇଲା ଉଲ୍ଲାସ ।

ଦିବା ଆଲୋକେ ନୟନେ ମୋର

    ଦେଖୁଚି ତୁମରି ସ୍ୱପ୍ନ ଛବି

ରାତ୍ରି କେମିତି କଟି ଯାଉଛି

    ତୁମ କଥା ଭାବି ଭାବି ।

ସବୁ କିଛି ଏବେ ଲାଗୁଛି ରଙ୍ଗୀନ୍

    ମନେ ମନେ ମୁରୁକି ହସୁଛି

ବିଶେଷ ମୁହୂର୍ତ୍ତ ସବୁକୁ ଭାବି

    ଗୁଣୁ ଗୁଣୁ ସ୍ୱରେ ଗାଉଛି ।

ଦର୍ପଣ ସମ୍ମୁଖେ ହେଉଛି ଶୃଙ୍ଗାର

    ନିଜକୁ କରୁଛି ପ୍ରସ୍ତୁତ

ସୁନ୍ଦର ପରି ପାଟିରେ ସାଜୁଛି

    ପ୍ରିୟର ଇଚ୍ଛା ମୁତାବକ  ।

ପ୍ରେମର ମଧୁର ସ୍ପର୍ଶ ଶିଖାଏ

    ସ୍ନେହ ବନ୍ଧୁତ୍ୱର ମହତ୍ତ୍ଵ

ପ୍ରିୟଙ୍କର ଆସିବା ଖବର କଲା

     ସମସ୍ତ ପ୍ରତୀକ୍ଷାର ଅନ୍ତ  ।