ତୁମେ ଥରେ ଆସନା ପ୍ରିୟ

ତୁମେ ଥରେ ଆସନା ପ୍ରିୟ

ମୋ ମନ କୁଟୀରରେ

ତୁମେ ଦେଇଥିବା ବଂଶୀଦେଖ

ଆଜିଯାଏ ରଖିଛି ସାଇତି

ତୁମେ ତୋଳିଥିବା ମୋ ନାମର ମୂର୍ଛ୍ଛନା

ଗୁଞ୍ଜରିତ ସଦା ବଂଶୀର ଧ୍ବନିରେ ।

ଥରେ ଆସି ତୋଳିଧରନା କୃଷ୍ଣ

ଆଉଥରେ ବଂଶୀର ସ୍ବର

ମୁଁ ହଜିଯିବି

ମନମୋହକ ରୂପରେ ତୁମର

ତୁମରି କୋଳରେ ମୁଣ୍ଡରଖି

ମୁଁ ଭୁଲିଯିବି

ସତ୍ତାଟିଏ ଥିଲି ପୃଥିବୀର ।

ମୁଁ କେବଳ ତୁମକୁ ହିଁ ଦେଖୁଥିବି

ତୁମେ ପରମ ସତ୍ୟ

ମୋ ହୃଦୟର ପରମପୁରୁଷ

ମୁଁ ହିଁ କେବଳ ତୁମର

ଶ୍ରୀକୃଷ୍ଣ ଗୋବିନ୍ଦ ହରେ ମୁରାରୀ

ହେ ନାଥ ନାରାୟଣ ବାସୁଦେବ ।।