🌹ତୁମେ ତ ସୁନ୍ଦର 🌹

ସରଗେ ସୁନ୍ଦର ମର୍ତ୍ତରେ ସୁନ୍ଦର

    ତ୍ରିପୁରେ ସୁନ୍ଦର ହରି.

ତା ସୁନ୍ଦର ପଣେ ନାହିଁ କେହି ଜଣେ

     ନାହିଁ କେହି ତାର ସରି.

ସେତ, ଭକ୍ତବନ୍ଧୁ ଦଇତାରୀ. l0l

ଶ୍ୟାମଳର କାନ୍ତି ବିରାଜିତ ଦେହେ

    ସ୍ମିତ ସ୍ମିତ ହାସ୍ୟ ମୁଖ.

ଚର୍ତ୍ତୁହସ୍ତେ ପ୍ରଭୁ ଚର୍ତ୍ତୁଅସ୍ତ୍ର ଧରି

    ସୃଷ୍ଟିରେ ବାଣ୍ଟନ୍ତି ସୁଖ.

ଅଦ୍ଭୁତ କର୍ତ୍ତା ସେ ଅଦ୍ଭୁତ ବିନ୍ଧାଣି

    ସୃଷ୍ଟି ତ ସବୁ ତାଙ୍କରି. l1l

ତାଙ୍କରି ଆଦେଶେ ଆତଯାତ ହୁଏ

    ସୂର୍ଯ୍ୟ ଚନ୍ଦ୍ର ଗ୍ରହ ତାରା

ଶୀତଳ ସମୀର ବରଷାର ଧାର

    ଲେଲିହାନ ଅଗ୍ନି ଜ୍ୱାଳା.

ବସୁନ୍ଧରା ମାତା ହସି ଉଠେ ସଦା

    ପାଇ ପରଶ ତାଙ୍କରି. l2l