ତୁମେ ସ୍ମୃତି ତୁମେ ସ୍ୱସ୍ତି

ଖିନଭିନ ଲାଗୁଥିଲା ପୁରୁଷ

ଏକ,ଦୁଇ, ତିନି କ୍ରମରେ

ମୁଁ,ତୁମେ ଏବଂ 

ଆମ ସମସ୍ତଙ୍କ ପୈ।ରୁଷତ୍ୱ 

ଏବଂବଚନ ନିର୍ଣ୍ଣୟ ।

ଆମ ଆଖିକୁ ସବୁକିଛି

ଦିଶୁନାହିଁ ସଫା ସଫା,

କମିଯାଉଛି ବଳ ଓ ବୟସ,

ଭୀତତ୍ରସ୍ତ ଯୁଦ୍ଧମ୍ ଦେହୀ ଆହ୍ୱ।ନକୁ

ଆମେ ସବୁ ବୋଝ ପ୍ରତେ ହେଉ

ବଞ୍ଚିବାକୁ ସୂଚୀ ଅଗ୍ରେ 

ନାହିଁ ଏଠି ସ୍ଥାନ ।

ମୁଁ ଖୋଜୁଛି ମୋତେ 

କେତେ ବହି ପାଠ , ଶିକ୍ଷା ଦୀକ୍ଷା

ନିରଳସ କର୍ମ ଧର୍ମ

ମନ୍ଦିର ସମାଜେ,

ବିତିଯାଏ ଜୀବନ ତମାମ

ସଜାଇ ସପନ ସବୁ ଛବି ତୁମ ଆଙ୍କି ପୁଣି ମନଲାଖି

ରଙ୍ଗ ଭରିବାରେ ।

ଯେଉଁଠି ଦେଖିଲେ ମୋତେ

ଭାସିଉଠେ ଗୋଲ ମୁହଁ

ଦିଶିଥାଅ ତୁମେ ଖାଲି ତୁମେ ।

ତୁମେ ଦ୍ୱିତୀୟ ବା ଅଦ୍ୱିତୀୟ

ପୁରୁଷ ବା ନାରୀ, କିବା ହୋଇପାର 

ନାମମାତ୍ର ଶବ୍ଦ ଅଦଭୁତ,

ସର୍ବଶକ୍ତିମାନ ତୁମେ

ଗଢିପାର ଭାଙ୍ଗିପାର, ତୁମବିନା

ଏ ଜଗତ ନିଶ୍ଚିତ ଅନାଥ ।