ତୁମେ ସବୁ ଆସ ଥରେ
ତୁମେ ସବୁ ଆସ ଥରେ
ତୁମେ ସବୁ ଆସ ମୋ ପାଖରେ ଥରେ
ଏକlଠି ବସିବା ସାଥୀ
ମନ ଖୋଲି ଥରେ ସ୍ମୃତି ସାଉଣ୍ଟିବା
ଚାହା ପିଇ ହସି ହସି ।
କିଏ ଜାଣେ ଏଠି କାହାର ସମୟ
କେତେବେଳେ ସରିଯିବ
ଶେଷ ଗୁଡ଼ ବାୟ କହିବାକୁ ସାଥୀ
ସମୟ ହେବ ନ ହେବ ।
କେତେ ଭାବି ଥିଲେ କରିବାକୁ କାମ
ମନ ଆଉ ସପନରେ
କିଛି ତ ହୋଇଛି କିଛି ହୋଇ ନାହିଁ
ଆଜି ଜୀବନ ବାଟରେ ।
କିଛି ସାଙ୍ଗ ଆମେ ଛାଡିତ ଗଲେଣି
ସମୟ ସାଥିରେ ଧୀରେ
ପିଲା ମାନେ ସବୁ ଦୁରକୁ ଗଲେଣି
ବୁଢା ବୁଢ଼ୀ ଖାଲି ଘରେ ।
ଆମେ ତ ଜାଣିନେ କେମିତି ସମୟ
ଆଗକୁ ଆସିବ ବୋଲି
ଫେରି ଆସ ସାଥି ଏକାଠି ବସିକି
ସମୟ କୁ ଯିବା ଭୁଲି ।
ଗଲା ପରେ ସବୁ ମନେ ପକାଇବେ
ଫୁଲ ତୋଡ଼ା ଦେଇ ଆସି
ପ୍ରଶଂସା କରିବେ ଲୁହ ଝରାଇବେ
ଭୁଲି ବୁନି ତୁମେ କହି ।
ଏବେ ଥରେ ଆସ ମୋ ପାଖରେ ବସ
ଗପିବା ସେ ଗଲା କଥା
ସପନରେ ଭରା ସ୍ନେହର ସେଦିନ
ଭଲ ପାଇବାର କଥା ।