ତୁମେ ସାଜି ବତୀଘର
ତୁମେ ସାଜି ବତୀଘର
ଜୀବନରେ ମୋର ବିରହ ଭରିଲେ,
ତୁମେ ଫୁଲ ପ୍ରୀତି ଭରା ।
ମାଘ ମାସ ଶୀତ ଏ ଜୀବନ ହେଲେ,
ତୁମେ ବଇଶାଖୀ ଖରା ।।
ଜୀବନେ ମୋ ଯେବେ ସୁନାମୀ ଆସଇ,
କଇଳାସ ସାଜ ତୁମେ ।
ତୁମର ଶୀର୍ଷରେ ନିରାପଦେ ମୁହିଁ,
ଭିଜୁଥାଏ ତୁମ ପ୍ରେମେ ।।
ତପନ ତାପରେ ଦେହ ପୋଡିଗଲେ,
ତୁମେ ଯେ ମୃଦୁ ମଳୟ ।
ତୁମ ପ୍ରେମରେ ମୁଁ ଲଭେ ଆତ୍ମତୃପ୍ତି,
ସତେ କି ପ୍ରେମ ନିଳୟ ।।
ମହାବାତ୍ୟା ଯେବେ ଜୀବନରେ ଆସେ,
ତୁମେ ସାଜିଥାଅ ଗୁମ୍ଫା ।
ଦେଇଛ ସୁରକ୍ଷା ନ ପାରିବି ଭୁଲି,
ତୁମର ଏ ଅନୁକମ୍ପା ।।
ମୋ ଜୀବନେ କେବେ ତୃଷାର୍ତ୍ତ ଭରିଲେ,
ତୁମେ ସାଜ ପୁଣି ନୀର ।
ମୃତ୍ୟୁ ସଞ୍ଜୀବନୀ ମୋ ପ୍ରାଣେ ସିଞ୍ଚିଛ,
ଶୋଷକୁ କରିଛ ଦୂର ।।
ଜଳଧିରେ ମୁହିଁ ହେଲେ ଦିଗହରା,
ତୁମେ ରଖ ଯେ ନଜର ।
କୂଳେ ଫେରିବାକୁ ବାଟ କାଢିନିଅ,
ତୁମେ ସାଜି ବତୀଘର ।।
ବୀରେନ୍ କୁମାର ବେହେରା
ପୋଷାଇ ,ମହାକାଳପଡା, କେନ୍ଦ୍ରାପଡା
ପିନ୍-754224
email-beherabirenkumar65@gmail.com
ଫୋନ୍-7381199206