ତୁମେ ମୋ ମଳୟ ଚନ୍ଦନଧାରା

ଆଜି ମିଠା ପାଗ ମନକୁ ମତୁଆଲା କରୁଛି

ସକାଳ ଗୋଟିଏ ସ୍ୱରଭରା ଗୀତ ପରି ଲାଗୁଥିଲା

ରାସ୍ତା କଡର କମଳା ଫୁଲ ଗୁଡା ମନଖୋଲି ହସୁଥିଲେ

ମେଞ୍ଚେ ପକ୍ଷୀ କଳରବ କରୁଥିଲେ ଆମ୍ବଗଛ ପାଖରେ

ଏ ସବୁ ଅପରାଜିତାକୁ ହାତଠାରି ଡାକୁଥିଲେ

ମୁଁ ଅଣ ନିଶ୍ୱାସୀ ହେଇ ଧାଉଁଥିଲି ମୋ ନିଡ଼କୁ

ଜୀବନ ଯେଉଁଠି ଜଂଜାଳର ଗୀତ ଗାଏ।

ପ୍ରତି ସମୟରେ ମୁଁ କର୍ତ୍ତବ୍ୟ ଜୁଇରେ ଜଳେ

କେମିତି ରହିଯିବି ପକ୍ଷୀଗୀତ ଶୁଣିବା ପାଇଁ

ସ୍ୱପ୍ନ ଓ ସ୍ୱପ୍ନ ଭିଜା ପାଗ ମନା ମୋ ପାଇଁ।

ତୁମେ ନଥିଲେ ଋତୁର ପ୍ରଭାବ ପଡ଼େନା

ମୋ ଉପରେ।

ତୁମେ ମୋ ଋତୁରାଜ ବସନ୍ତ

ତୁମେ ମୋ ମଳୟ।ଚନ୍ଦନ ଧାରା।