ତୁମେ ଗଲା ଦିନୁ

ତୁମେ ଗଲା ଦିନୁ

ଅନ୍ତର ଭିତରେ କାନ୍ଦେ ଅହରହ

ଉପରକୁ ଦିଏ ହସି

ତୁମେ ଗଲା ଦିନୁ ମୋଠାରୁ ଦୂରେଇ

ଜଳୁଛି ମୁଁ ଦିବାନିଶି ।

ସାରା ଦିନ ରାତି କୁହୁଳୁ ଥିବିମୁଁ

ବଞ୍ଚିଥିବୀ ଯେତେଦିନ

ଏଇ କୁହୁଳିବା ଶେଷ ହୋଇଯିବ

ଯେବେ ଯିବି ଶମଶାନ ।

ଅହରହ ମୋତେ ଖୋଜୁଥିଲ କେତେ

କାହିଁ ଚାଲିଗଲ ରୁଷି

ତୁମେ ଗଲାଦିନୁ ମୋ ଠାରୁ ଦୂରେଇ

ଜଳୁଛି ମୁଁ ଦିବା ନିଶି - - - - - -

କୁଆଡେ ହଜିଲା ତୁମ ମିଠା କଥା

ବଦଳିଲା ପରିଚୟ

ତୁମେ ବାଛିନେଲ ନୂଆ ଠିକଣାଟେ

ମୋତେ କରି ଅସହାୟ ।

ପାଗଳ ଜୀବନ ତୁମ ପ୍ରତୀକ୍ଷାରେ

ଆଜିବି ରହିଛି ବସି

ତୁମେ ଗଲାଦିନୁ ମୋ ଠାରୁ ଦୂରେଇ

ଜଳୁଛି ମୁଁ ଦିବାନିଶି - - -

ସିଦ୍ଧେଶ୍ବର ତ୍ରିପାଠୀ