ଓଡ଼ିଆ ଝିଅ

ଓଡ଼ିଆ ଝିଅତୁ ଓଡିଶୀ ନାଚିଲେ

ଦେହ ମୋର ଥରି ଉଠେ

ତୋ ତ୍ରିଭଙ୍ଗି ଠାଣି ଆଖିରେ ପଡିଲେ

ମନେ ପ୍ରୀତିପଦ୍ମ ଫୁଟେ ।

ଯେବେପଢି ଦେଉ ପୁରାଣ ପୋଥିତୁ

ସଞ୍ଜରେ ପ୍ରଦୀପ ଜାଳି

ତୋ ମଧୁର ସ୍ୱର କରିଛି ପାଗଳ

ନିତି ବସି ହୁଏ ଭାଳି ।

ଦିନେ ନଦେଖିଲେ ତୋଗୋରା ମୁହଁକୁ

ଭଲ ଲାଗେନାହିଁ ମୋଟେ

ଓଡ଼ିଆ ଝିଅତୁ ଓଡିଶୀ ନାଚିଲେ

ଦେହ ମୋର ଥରି ଉଠେ - - -

ଏ ମାଟି ଉପରେ ତୋ ହାତ ପରଷେ

ଆଙ୍କି ପାରୁ ଝୋଟି ଚିତା

କୋମଳ ହାତର ଚିତାରେ ଲୁଚିଛି

ସୁନ୍ଦର ପ୍ରୀତି କବିତା ।

ଆସିବୁକି କହ ଓଢଣୀତୁ ଟାଣି

ଏଇ ମୋ ଅଗଣା ବାଟେ

ଓଡ଼ିଆ ଝିଅତୁ ଓଡିଶୀ ନାଚିଲେ

ଦେହ ମୋର ଥରି ଉଠେ - - - -

ସିଦ୍ଧେଶ୍ବର ତ୍ରିପାଠୀ