ତୁମେ ଆସୁଛ ବୋଲି ହେ ନବ ବରଷ
ତୁମେ ଆସୁଛ ବୋଲି ହେ ନବ ବରଷ
ତୁମେ ଆସୁଛ ବୋଲି
ହେ ନବ ବରଷ
ମୁଁ ରାଗ ରୁଷା ଭୁଲି ଯାଇଛି
ସ୍ନେହ ଶରଧାର ପ୍ରୀତି ବନ୍ଧନରେ
ସଭିଙ୍କୁ ବାନ୍ଧି ରଖୁଛି ।
ତୁମେ ଆସୁଛ ବୋଲି
ହେ ନବ ବରଷ
ମୁଁ ଦୁଃଖକୁ ପାଶୋରି ଦେଇଛି
ନୂତନ ଆଶାର ନୂଆଁ କିରଣରେ
ସପନର ସିଡ଼ି ଚଢୁଛି ।
ତୁମେ ଆସୁଛ ବୋଲି
ହେ ନବ ବରଷ
ମୁଁ ବଦଭ୍ୟାସ ଛାଡ଼ି ଦେଇଛି
ସତ୍ କର୍ମେ ଚଳି ହୃଦୟ ମନ୍ଦିରେ
ନୂଆଁକୁ ସ୍ୱାଗତ କରୁଛି ।
ତୁମେ ଆସୁଛ ବୋଲି
ହେ ନବ ବରଷ
ମୁଁ ପାପକୁ କବର ଦେଇଛି
ନୂଆଁ ଭାବନାର ରଙ୍ଗୀନ୍ ଛିଟାରେ
ମନକୁ ଚିତ୍ରିତ କରୁଛି ।
ତୁମେ ଆସୁଛ ବୋଲି
ହେ ନବ ବରଷ
ମୁଁ ସତ୍ ମାର୍ଗେ ବାଟ ଚାଲୁଛି
ନୂଆଁ ଲକ୍ଷ୍ୟ ରଖି ଏଇ ଜୀବନରେ
ବିଭୁ ପାଶେ ଦୀପ ଜାଳୁଛି ।