ତୁମ ସ୍ମୃତି
ତୁମ ସ୍ମୃତି
ମୋ ମନ ଉପବନେ ତୁମେ ଅଛ ପ୍ରିୟା,
ରହିଅଛି ତୁମ ସ୍ମୃତି।
ଦେଖିବାକୁ ତୁମକୁ ଆଶା ଲୋଡୁଅଛି,
କଟି ଯାଉଅଛି ମୋ ଦିବା ରାତି।
ଭଲ ଯେ ପାଉଛି ମନ ମୁ ଦେଇଛି,
କହୁନାହିଁ ମିଛ କିଛି।
ବୁଝିବାକୁ ଥରେ ଚେଷ୍ଟାକର ପ୍ରିୟା,
ମୋ ହୃଦ ସ୍ପନ୍ଦନର ଗତି।
ସପନେ ଆସୁଛ ମୋ ସାଥେ ହସୁଛ,
ବାଣ୍ଟୁଅଛ ପ୍ରେମ ଗୀତି।
ସ୍ପନ୍ଦନେ ରୋଦନେ ଭାବନେ ସପନେ,
ଭାସୁଅଛି ତୁମ ସ୍ମୃତି।
କାହିଁକି କେଜାଣି କେମିତି ତୁମକୁ,
ଭଲ ପାଉଅଛି ଏତେ ବେଶୀ।
କେମିତି ବଞ୍ଚିବି ତୁମ ବିନା ପ୍ରିୟା,
ଜାଣିପାରୁ ନାହିଁ ମୁ କିଛି।