ତୁମ ପରି ଛୋଟ ପିଲାଟିଏ

ତୁମ ପରି ଛୋଟ ପିଲାଟିଏ 

ନିର୍ଭୀକ ଅଟଇ ଭାରି ସିଏ 

ବାଜିଆ ବୋଲିକି ନାମଟି ତାହାର 

ସାହାସରେ କେହି ସରି ନୁହେଁ ! ॥

ବହୁ ଦିନ ତଳ କଥା ଟିିଏ 

ଗୋରାଙ୍କ ରାଜୁତି ସେବେ ଥାଏ

ଢେଙ୍କାନାଳ ରାଜା ବିରୋଧରେ ଯାଇ

ପ୍ରଜାମଣ୍ଡଳରେ ଯୋଗ ଦିଏ ॥

ଗଡ଼ଜାତୁ ଆନ୍ଦୋଳନ ହେଲା 

ସାଙ୍ଗ ସାଥି ଧରି ମେଳି କଲା 

ରଘୁ, ଗୁର, ନଟ, ଲକ୍ଷମଣ ,ଫଗୁ

ସାଥେ ଆନ୍ଦୋଳନ ତେଜି ଦେଲା ॥

ଗୋରା ଫଉଜେ ଭାଳେଣି ହେଲା 

କିଏରେ ଇଏ ଦୁର୍ଦାନ୍ତ ପିଲା 

କଳେବଳେ ତାକୁ ଆୟତ୍ତ କରିବା 

ନହେଲେ ଜାଣ ଭେଳା ବୁଡ଼ିଲା ॥

ଦେଖି ଗାରାଏ ତାର ସାହାସ 

ରଚିଲେ କେତେ କପଟ ଫାସ

ଡଙ୍ଗା ବାହି ନେଇ ମଝି ନଈରୁ 

ଗୁଳି ମାରି ତାକୁ କଲେ ଶେଷ ॥

ଭାରି ସ୍ବାଭିମାନୀ ମନ ତାର 

ସହି ନପାରିଲା ଅତ୍ୟାଚାର 

ଅନ୍ୟାୟ ବିରୋଧେ ପ୍ରତିବାଦ କରି 

ଜୀବନ ନାଟିକା ଗଲା ତାର ॥

ସର୍ବକନିଷ୍ଠ ଶହୀଦ ହେଲା 

ଇତିହାସେ ସେ ନାମ ଲେଖିଲା 

ମାତୃଭୂମି ପାଇଁ ପ୍ରାଣବଳି ଦେଇ 

କୋଟି ଜନ-ମନ କିଣିନେଲା ॥